Azərbaycan dili və onun tədrisi texnologiyası kafedrası

1.Kafedranın tarixi

Təməli 1947-ci ildə qoyulan kafedra 1957-ci ilədək “Azərbaycan dili və onun tədrisi metodikası” adı altında fəaliyyət göstərmiş, 1957-ci ildə isə Azərbaycan dilinin tədrisi fənni prof. Ə.Dəmirçizadənin rəhbərlik etdiyi “Azərbaycan dili” kafedrasına birləşdirilmişdir. Nəhayət, 1959-cu ildə bu kafedranın bazası əsasında “Azərbaycan dili və onun tədrisi metodikası” kafedrası yaradılmışdır. Azərbaycan Dövlət Pedaqoji Universitetinin Böyük Şurasının 09.07.2019-cu tarixli qərarı ilə kafedranın adı “Azərbaycan dili və onun tədrisi texnologiyası”  adlanır.

Kafedraya təsis olunduğu gündən 1979-cu ilədək görkəmli metodist-alim prof. A.Abdullayev rəhbərlik etmişdir. Uzun müddət “Azərbaycan dili və ədəbiyyatın tədrisi” jurnalının redaktoru, Təhsil Nazirliyi Metodşurasının rəhbəri olmuş prof. A.Ş.Abdullayev 100-dən çox elmi əsər və məqalənin müəllifi olmuşdur. Onun “Orta məktəbdə Azərbaycan dili tədrisi metodikası” (1978), “Azərbaycan dilinin tədrisi tarixindən”(1966) monoqrafiyaları sanballı tədqiqat əsərləridir.

         Kafedraya 1979-cu ildən 2009-cu ilədək mərhum professor Həsən Balıyev rəhbərlik etmişdir. O, 40-dan çox elmi əsərin, 200-dək elmi-publisistik məqalənin müəllifidir: “Orta məktəbdə Azərbaycan dilinin tədrisi metodikası” (1996,2003), “Azərbaycan dilinin tədrisi metodikasından mühazirələr”(1978), “Azərbaycan dili”(1972), “Azərbaycan dili II təlimdə” (2003), “Azərbaycan dili”(təbiət elmləri fakültəsi tələbələri üçün, 2001), “Azərbaycan dili”(rus qrupları üçün dərslik, 2006), “Azərbaycan dili” (türk dinləyiciləri üçün dərslik,2009). Prof.H.Balıyev iki seçki müddəti ilə filologiya fakültəsinin dekanı olmuş, respublikanın ictimai həyatında fəal iştirak etmişdir.

         2009-2011-ci ilin sentyabrınadək filologiya fakültəsinin dekanı, filologiya elmləri doktoru, prof. Buludxan Xəlilov ictimai əsaslarla, 2011-ci ildən 2018-ci ilədək filologiya elmləri doktoru, professor Əzizxan Tanrıverdiyev rəhbərlik etmişdir, hal-hazırda kafedraya filologiya üzrə fəlsəfə doktoru, dosent Sevda Abbasova rəhbərlik edir. Prof. Ə.Tanrıverdiyev 28 kitabın və 150-dən artıq elmi məqalənin müəllifidir. “Türk mənşəli Azərbaycan antroponimləri” (Bakı, 1996),“Kitabi-Dədə Qorqud”da şəxs adları (Bakı, 1999),“XVI əsr qıpçaq (poloves) dilinin qrammatikası (Bakı, 2000), “Kitabi-Dədə Qorqud və qərb ləhcəsi” (Bakı, 2002), “Kitabi-Dədə Qorqud”un obrazlı dili (Bakı, 2006), “Kitabi-Dədə Qorqud”un söz dünyası (Bakı, 2008),“Dilimiz, mənəviyyatımız (Bakı, 2008), “Poeziyanın dili, dilin poeziyası” (Bakı, 2008), “Qədim türk mənbələrində yaşayan şəxs adları (Bakı, 2009), Azərbaycan dilinin tarixi qrammatikası (Bakı, 2010), “Dədə Qorqud kitabı”nda at kultu (Bakı, 2012),“Dəli Kür” romanının poetik dili” (Bakı, 2012), “Dədə-Qorqud kitabı”nda dağ kultu” (Bakı, 2013), “Dədə Qorqud kitabı”nın obrazlar aləmi” (Bakı, 2013), "Dədə sözü işığında" (Bakı, 2014), "Çal qılıncını, xan Qazan!"(Bakı,2015), "Dədəm Qorqud"un zamanı(Bakı,2015), "Dədə Qorqud"un möcüzələr dünyası( Bakı,2015), "Koroğlu"nun şeir dili (Bakı,2015) əsərləri Ə.Tanrıverdiyevin sanballı tədqiqat əsərləridir. O, 2009-cu ildə ADPU üzrə keçirilən “İlin alimi” müsabiqəsinin qalibi olmuşdur. Ə.Tanrıverdiyevin rəhbərliyi ilə 2 nəfər filologiya üzrə fəlsəfə doktoru, 15 nəfər magistr dərəcəsi almış, 2 nəfər tələbə isə Respublika olimpiadasının qalibi olmuşdur.

         Kafedranın elmi-tədqiqat işləri dilçiliyin nəzəri məsələləri, həm də Azərbaycan dilinin tədrisi metodikası istiqamətində aparılmışdır. Məsələn, orta və ali məktəbdə Azərbaycan dilinin tədrisi, ibtidai siniflərdə ana dilinin tədrisi, təlimi rus dilində olan qruplarda ana dilinin tədrisi.

         Kafedranın sabiq üzvləri prof. N.Abbasova, prof.N.Abdullayev, İ.Bayramov, N.Əhmədov, dos.B.Rəhimova, Ə.Əhmədov, Ə.Kəlbəliyev, S.Quliyeva, S.Qasımova, Ə.Şirinov, N.Hacıyev, M.Həsənov, M.Həsənov, F.Əbdürrəhimov, H.Hüseynov, İ.İsmayılov, Z.Məmmədov, M.Səfərov, Ş.Nəbiyeva, M.Soltanovun elmi-metodik tədqiqatları bu sahədə müstəsna xidmət kimi qiymətləndirilməlidir.

         Kafedranın ilk aspirantı p.e.d., prof. Ə.Fərəcovun xidmətləri də unudulmazdır. Uzun müddət filologiya fakültəsi qiyabi şöbəsinin dekanı kimi çalışmış alim orta məktəblər üçün Azərbaycan dili dərsliklərinin, 10-a qədər kitabın və 100-dən artıq elmi məqalənin müəllifidir.

         Dos. P.Paşayeva “İbtidai siniflərdə fonetikanın tədrisinin elmi-metodik əsasları”(2007), “Azərbaycan dilinin tədrisi metodikasından kurs işlərinin hazırlanması metodları”(2011) kitablarının, 27 elmi-metodik məqalənin müəllifidir.

         Dos. Ş.Nəbiyevanın 3 metodik vəsaiti və 31 elmi məqaləsi nəşr olunmuşdur(“İbtidai siniflərdə bədii mətnin tədrisi problemləri”,2008), “Ana dili dərslərində şagirdləri fəallaşdıran tapşırıqlar”(2010), “Ana dilinin tədrisi metodikasının aktual problemləri”(2010).

         Dos. M.Soltanovun “Azərbaycan dili”, “İfadə mətnləri”(2006), “İmla mətnləri”(2007), “Məktəblinin izahlı lüğəti”(2008) və s. metodik vəsait və 30 elmi məqaləsi çap olunmuşdur.

         Prof.N.Abdullayevin “Ədəbi tələffüz təliminin metodikası” (1986), “Nitq mədəniyyətinin əsasları”(2005), filologiya elmləri doktoru M.Nuriyevanın “Nitq mədəniyyəti və üslubiyyat məsələlərinə dair”(1994), “Rus dilində türk sözləri”(2001), “İslahatlar, müharibələr.Türk şəhərlərinin taleyi”(2005) əsərləri diqqəti cəlb edir.

         N.Abdullayevin rəhbərliyi ilə 5 nəfər pedaqogika üzrə fəlsəfə doktoru dərəcəsi, 35 nəfər isə magistr dərəcəsi almışdır.

         Filologiya elmləri doktoru, prof. M.Nuriyevanın elmi tədqiqatları çoxşaxəlidir. Bir sıra beynəlxalq əhəmiyyətli konfranslarda (8 dəfə) ölkəmizi layiqincə təmsil etmiş, sanballı dərs vəsaitləri işıq üzü görmüşdür:”Türk əsilli ruslar”(2010), “Türk sözləri rus dilində”(2010), “Türk kitabı”(2009), “Qafqaz islam ordusunun fəaliyyət xronologiyası”(Tükiyə-2011). Eyni zamanda müxtəlif səpkili 440-dan artıq elmi-publisistik məqalənin müəllifidir.

Pedaqogika elmləri doktoru, dosent Vaqif Qubanovun ümumilikdə 150-dən çox, yalnız doktorluq dissertasiyasına dair 85 elmi-metodik əsəri nəşr olunmuşdur. Onlardan 16-sı Rusiya, Ukrayna və Qazaxıstan respubliklarının nüfuzlu jurnallarında çap edilmişdir. Hazırda Azərbaycan dili fənn kurikulumu metodologiyası sahəsində inteqrasiya problemi ilə məşğul olur. O, 2015-ci ildə “Azərbaycan dili təlimində fəndaxili əlaqələrdən istifadə üzrə işin sistemi” mövzusunda doktorluq dissertasiyası müdafiə etmişdir.

         Filologiya elmləri doktoru, dosent Kamil Bəşirovun 35 elmi məqaləsi, “Azərbaycanın mürəkkəb quruluşlu toponimləri”(2007), “Orta məktəbdə morfologiyanın tədrisi məsələləri”(2009), “Oğuz qrupu türk dillərində qrammatik morfemlər”(2009) adlı nəzəri və metodik əsərləri nəşr olunmuşdur. O, 2014-cü ildə “Oğuz qrupu türk dillərində sözdəyişdirici şəkilçilərin tarixi-linqvistik tədqiqi” mövzusunda doktorluq dissertasiyası müdafiə etmişdir.

         Pedaqogika üzrə fəlsəfə doktoru, dos.Ə.Abbasov 180 elmi-metodik məqalənin, 21-dən artıq dərslik və dərs vəsaitinin müəllifidir. “V sinifdə Azərbaycan dili”(həmmüəlliflə,2009), “VI sinifdə Azərbaycan dili”(təlimi rus dilində olan məktəblər üçün,2006), “İmla mətnləri” (Ə.Əfəndizadə ilə birlikdə,2009), “X sinifdə Azərbaycan dili”(təlimi rus dilində olan məktəblər üçün,2006) və s. O, 5 magistrin dissertasiya işinə rəhbərlik etmişdir.

         Filologiya üzrə fəlsəfə doktoru, dos. R.Hümmətovanın 30 elmi məqaləsi, “Tovuz rayonu onomastik vahidlərinin tarixi-linqvistik təhlili” (2006), “Azərbaycan dili dərslərində fəndaxili və fənlərarası əlaqə”(2008), “Azərbaycan dili dərslərində təlimin keyfiyyətinin yüksəldilməsi” (2010), “Qoşma və bağlayıcının tədrisində inteqrasiya” (2018),  “Ana dili -2. Morfologiya (2019) və s. sanballı tədqiqatları vardır.

         Pedaqogika üzrə fəlsəfə doktoru, dosent H.Əliyev  ana dilinin tədrisi metodikasına dair 26 məqalənin, eləcə də “Azərbaycan dilinin izahlı lüğəti”(A-Y,2001), Ə.Əfəndizadə “Azərbaycan dilində düşündürücü suallar və cavablar”(tərtibatçı kimi,2003), “Nitq hissələrinin müqayisəli tədrisi”(2006), “Durğu işarələrinin işlədilməsi qaydaları”(2011) və s. kitabların müəllifidir.

         Dos.A.Hacıyevin “Azərbaycan dilinin onomastik sistemi”(2006), dos. M.Səfərovun “Əbülhəsən Ələkbərzadənin nəsr dili”(1992) vəsaitləri işıq üzü görmüşdür.

         B/m.A.Balıyevin “Ana dilinin tədrisi metodikasından praktikum və laborator məşğələlər”(2009), “Türk bölməsində Azərbaycan dili” metodik vəsaiti və 40-dan çox elmi məqaləsi nəşr edilmişdir.

         B/m. İ.Abbasovun dilçilik və ədəbiyyatşünaslığın bir sıra aktual problemlərinə həsr olunmuş çoxsaylı məqalələri və 4 kitabı çap olunub.

         B/m.A.Kazımovun 95 elmi məqaləsi, ana dilinin tədrisi metodikasına dair 8 kitabı nəşr olunmuşdur(“Ana dilinin izahlı lüğəti”, 2001), Ə.Əfəndizadə “Azərbaycan dilində düşündürücü suallar və cavablar”(tərtibatçı kimi,2003),”Ana dilinin tədrisində interaktiv təlim metodları”(2011), “Durğu işarələrin işlədilməsi qaydaları”(2011), Linqvistik təhlilin aparılması metodikası”(2007) və s.

2. Kafedraya rəhbərlik

Azərbaycan Dövlət Pedaqoji Universitetinin Azərbaycan dili və onun tədrisi texnologiyası  kafedrası 1959-cu ildən müstəqil fəaliyyət göstərir. Kafedraya 1979-cu ilə qədər prof.A.Abdullayev, 1979-cu ildən 2009-cu ilə kimi prof.H.Balıyev, 2009-cu ildən 2011-ci ilədək prof.B.Xəlilov, 2014-2018-ci illərdə prof. Əzizxan Vəli oğlu Tanrıverdiyev rəhbərlik etmişdir. 2019-cu ilin fevral ayından pedaqogika üzrə fəlsəfə doktoru, dosent Sevda İslam qızı Abbasova  kafedraya rəhbərlik edir.

3.Kafedra haqqında ümumi məlumat

Azərbaycan dili və onun tədrisi texnologiyası kafedrası ali təhsilin bakalavriat və magistratura pillələrində  Azərbaycan dili və onun tədrisi metodikası istiqaməti üzrə əsas aparıcı ixtisas kafedrasıdır.

Kafedranın tədris etdiyi fənlər yüksək ixtisaslı mütəxəssislər tərəfindən Azərbaycan dilində  tədris olunur.

Tədris olunan fənlər üzrə tədrisin keyfiyyətini artırmaq, tədris prossesinin səmərəliliyini yüksəltmək, eyni zamanda tələbələrin müxtəlif sahələr üzrə nəzəri biliklərlə yanaşı, həm də təcrübi vərdişlərini artırmaq üçün mütəmadi olaraq tanınmış mütəxəssislərin iştirakı ilə elmi seminarlar keçirməklə onlara təhsil müddətində öyrəndikləri biliklərin real həyatda istifadəsi öyrədilir.

Azərbaycan dili və onun tədrisi texnologiyası kafedrasının təklif etdiyi tədris modeli aşağıdakı kimidir. Belə ki, filologiya fakültəsi üzrə təhsil alan tələbələr III tədris ilində (VI semestr) Azərbaycan dilinin tədrisi metodikasını öyrənir, IV tədris ilində(VII semestr) Azərbaycan dilindən öyrəndiklərini pedaqoji təcrübə zamanı tətbiq etməklə tədris təcrübəsinə yiyələnirlər. İbtidai təhsil fakültəsi üzrə tələbələr I,II və III tədris ilində Azərbaycan dilinin nəzəri əsaslarını (I,II və III semestrlər), Orfoepiya və orfoqrafiya təliminin əsaslarını (IV semestr), Nitq inkişafı metodikasını(V semestr), Azərbaycan dilinin tədrisi metodikasını öyrənir(VI semestr), IV tədris ilində isə pedaqoji təcrübədə tədris təcrübəsinə yiyələnirlər.

İncəsənət və  fiziki tərbiyə  (Təsviri incəsənət müəllimliyi) fakültəsində təhsil alan tələbələrə III tədris ilində (VI semestr) “Azərbaycan dili və nitq mədəniyyəti” fənni tədris edilir ki, bu da onların yüksək nitq mədəniyyətinə malik olmalarına kömək edir.

Məktəbəqədər təhsil fakültəsi üzrə təhsil alan tələbələr III və VII semestrlərdə Azərbaycan dilinin elmi-nəzəri əsaslarını mənimsəyirlər. Həmin fakültənin “Korreksiyaedici təlim” ixtisası üzrə təhsil alan tələbələr VI semestrdə “Azərbaycan dili və onun xüsusi məktəblərdə tədrisi metodikası”nın nəzəri əsaslarını öyrənirlər.

Azərbaycan dili və ədəbiyyatın tədrisi metodikası və metodologiyası ixtisası üzrə təhsil alan magistrantlar Orfoqrafiya və orfoepiyanın təlimi (IV semestr), Azərbaycan dilinin tədrisi metodikasının müasir problemləri (II semestr), Azərbaycan dilinin tədrisi metodikasının tarixi və metodologiyası(II semestr), Azərbaycan dilinin tədrisi tarixi (II semestr) fənlərini, II tədris ilində isə Azərbaycan dilinin tədrisi metodikası (III semestr) fənlərini öyrənirlər.

Bu ixtisas üzrə təhsil alan magistrantlar II tədris ilinin II yarısında (III və IV semestrlər) elmi-pedaqoji və elmi–tədqiqat təcrübələri keçməklə ali məktəb müəllimi, eyni zamanda bir tədqiqatçı kimi formalaşırlar.

İbtidai təhsilin pedaqogikası və metodikası ixtisası üzrə təhsil alan magistrantlar Orfoepiyanın və orfoqrafiyanın elmi əsasları (II semestr), İbtidai siniflərdə şagirdlərin nitqinin inkişaf etdirilməsi yolları (S/f) (I semestr),  İbtidai siniflərdə şagirdlərin nitqinin inkişaf etdirilməsi yolları (I semestr), İbtidai siniflərdə şagirdlərin nitqinin inkişaf etdirilməsi yolları (S/f) (III semestr), Azərbaycan dilinin tədrisi metodikasının müasir problemləri (II semestr), Azərbaycan dilinin tədrisi metodikasının tarixi və metodologiyası(II semestr),  fənlərini öyrəndikdən sonra, elmi-pedaqoji və elmi-tədqiqat təcrübələri keçərək ali məktəb müəllimi, eyni zamanda bir tədqiqatçı statusuna sahib olurlar.

Tədris olunan fənlər barəsində qısa təsvir

1. Azərbaycan dili-3
2. Azərbaycan dili və onun tədrisi metodikası
3. Ana dilinin tədrisi metodikası (1,2)
4. Orfoqrafiya və orfoepiya təliminin metodik əsasları
5. Nitq inkişafı üzrə işin metodikası
6. İbtidai siniflərdə Azərbaycan dili və onun tədrisi metodikası (1,2,3)
7. Oxu təliminin metodikası
8. Azərbaycan dili və nitq mədəniyyəti
9. S/f: Orfoqrafiya və orfoepiya təliminin əsasları
10. Azərbaycan dili tədrisi metodikasının müasir problemləri
11. Azərbaycan dili və onun xüsusi mək­təb­lər­də tədrisi meto­di­ka­sı
12. Azərbaycan dili tədrisi metodikasının müasir problemləri
13. Azərbaycan dilinin tədrisi tarixi
14. İbtidai siniflərdə şagirdlərin nitqinin inkişaf etdirilməsi yolları
15. Azərbaycan dilinin tədrisi tarixi və metodologiyası
16. Azərbaycan dili tədrisi metodikakasının müasir problemləri
17. Nitqin üslubları

Kafedra üzvləri Bakı Dövlət Universitetinin Azərbaycan dili və ədəbiyyatı kafedrası, Təhsil Problemləri İnstitutu, AMEA-nın Nəsimi adına Dilçilik İnstitutu ilə əməkdaşlıq edir. Kafedra üzvləri respublika və beynəlxalq konfranslarda maraqlı məruzələrlə çıxış edirlər.Kafedranın professor-müəllim heyəti bakalavr pilləsi üzrə filologiya, ibtidai sinif müəllimliyi fakültələrində Azərbaycan dili və onun tədrisi metodikası kursu üzrə yüksək səviyyədə mühazirələr oxuyur, laboratoriya və məşğələ dərsləri aparırlar. Bakalavr pilləsi ilə yanaşı olaraq kafedrada HSM-020005 Azərbaycan dili və ədəbiyyatın metodologiyası və metodikası istiqaməti üzrə magistr hazırlığı həyata keçirilir. Kafedra üzrə tədris planlarında nəzərdə tutulmuş bütün fənlər üzrə tədris proqramları hazırlanmış və Elmi Şurada təsdiq edilmişdir. Bütün fənlər üzrə tədris mövcud təqvim-tematik planlara uyğun olaraq aparılır. Son illər kafedrada tədris olunan fənlərin dərslik və dərs vəsaitləri ilə təmin olunması sahəsində uğurlu addımlar atılmışdır.

Statistik göstəricilər(2023)

• 3 nəfər filologiya elmlər doktoru, professor;
• 2 nəfər pedaqogika elmlər fəlsəfə doktoru, dosent;
• 7 nəfər pedaqogika üzrə fəlsəfə doktoru, dosent;
• 5 nəfər filologiya  üzrə fəlsəfə doktoru, dosent;
• 5 nəfər pedaqogika üzrə fəlsəfə doktoru, baş müəllim;
• 3 nəfər filologiya üzrə fəlsəfə doktoru, baş müəllim;
• 3 nəfər pedaqogika üzrə fəlsəfə doktoru, müəllim;
• 1 nəfər filologiya üzrə fəlsəfə doktoru, müəllim;
• 1 nəfər baş müəllim;
• 6 nəfər müəllim;
• 4 nəfər labarant;

Kafedranın pasportu

• Azərbaycan Dövlət Pedaqoji Universitetinin Filologiya fakültəsinin Azərbaycan dili və onun tədrisi texnologiyası kafedrasının pasportu 

KAFEDRANIN TARİXİ

ADPU-da aparılan struktur dəyişiklikləri ilə əlaqədar  Azərbaycan Dövlət Pedaqoji Universiteti rektorunun əmri ilə 2018-2019-cu tədris ilində  9 iyul tarixində Xarici Dillər Mərkəzi (kafedra)   yaradılmışdır. Mərkəz 2008/2009-cu tədris ilindən etibarən yaradılmış İngilis dili və onun tədrisi metodikası  kafedrası, 2015-2016-ci tədris ilində yaradılmış Xarici dillər və onun tədrisi metodikası  və İngilis dili kafedralarının birləşməsi əsasında yaradılmışdır.

• cu ilin noyabr ayından ADPU-nun Xarici Dillər Mərkəzinin (kafedra) müdiri filologiya üzrə fəlsəfə doktoru, dosent Ülviyyə Davud qızı Hacıyevadır. Ülviyyə Hacıyeva Azərbaycan Respublikası Prezidenti İlham Əliyevin 17 dekabr 2021-ci ildə imzaladığı sərəncamla təhsildə göstərdiyi xidmətlərinə görə “Tərəqqi” medalına layiq görülmuşdür. 4 dərs vəsaiti, 1 test toplusu, 1 metodik vəsait, 13 proqram, 17 tezis, Res­publika daxilində çıxan jurnallarda 36, Res­publikadan kənarda isə 12 məqalənin müəllifidir.

Xarici Dillər Mərkəzi (kafedrası) Ali təhsilin bakalavriat, magistratura və doktorantura pillələrində ingilis, alman, fransız, rus, xarici dilin (ingilis dili) metodikası üzrə əsas aparıcı ixtisas mərkəzidir.

ADPU-nun Xarici Dillər Mərkəzi olaraq missiyamız  tələbələrin müasir təlim metodlarının tətbiqi ilə xarici dillərin  tədrisi sahəsində ən yaxşı təhsili verərək  və ən müasir bilikləri paylaşaraq müxtəlif  ixtisaslar üzrə rəqabətə davamlı mütəxəssislərin hazırlanmasını  təmin etməkdir. Mərkəzin professor-müəllim heyəti öz sahəsinin tanınmış mütəxəssis və alimlərindən təşkil olunmuşdur. Hazırda Xarici Dillər Mərkəzində  elmi-pedaqoji fəaliyyət göstərən professor-müəllim heyəti elm və praktikadakı ən son dəyişikliklərin və yeniliklərin tələbələrimizə ən yüksək səviyyədə öyrədilməsini təmin edir. Mərkəz, müasir iş dünyasının ehtiyacı olan yüksək ixtisaslı mütəxəssislərin hazırlanması üçün bir çox sahələri əhatə edən müxtəlif fənlərin xarici dildə  tədrisini həyata keçirir. Mərkəzin tədris etdiyi bütün fənlər, yüksək ixtisaslı mütəxəssislər tərəfindən ingilis, fransız, alman və rus  dillərində tədris olunur.

1. KADR İŞİ

1.1   Xarici Dillər Mərkəzinin professor-müəllim heyətinin tərkibi:

2019-2020-ci il

97 əməkdaş.  Onlardan  2-si filologiya elmlər doktoru, professor,  10-u  filologiya üzrə fəlsəfə doktoru  dosent, 4-ü filologiya üzrə fəlsəfə doktoru, baş müəllim, 2-si filologiya üzrə fəlsəfə doktoru, müəllim, 24- ü baş müəllim,  56-sı müəllim.

          2020-2021-ci il

97 əməkdaş. Onlardan 2-si filologiya elmlər doktoru, professor, 1-i filologiya elmlər doktoru, 10 –u filologiya üzrə fəlsəfə doktoru, dosent,  5-i filologiya üzrə fəlsəfə doktoru, baş müəllim, 31-i baş müəllim, 48-i müəllim.

         2021-2022-ci il

97 əməkdaş. Onlardan 2-si filologiya elmlər doktoru, professor, 1-i filologiya elmlər doktoru, 10 nəfəri filologiya üzrə fəlsəfə doktoru, dosent,  5-i filologiya üzrə fəlsəfə doktoru, baş müəllim, 31-i baş müəllim, 48-i müəllim.

  2022-2023-cü il

102 əməkdaş. Onlardan 2-si filologiya elmləri doktoru, professor, 1-i filologiya elmlər doktoru,  11 nəfəri filologiya üzrə fəlsəfə doktoru, dosent,  6-sı filologiya üzrə fəlsəfə doktoru, baş müəllim, 32-u baş müəllim, 50-si müəllim.

1.2   2019-2023-cü illərdə Xarici Dillər Mərkəzinin doktorant və dissertantlarının siyahısı:

1.Səmədova Jalə Qədir qızı

Dissertasiya mövzusu: “İngilis dilində tədris  mətnləri vasitəsilə tələbələrdə mədəniyyətlərarası səriştənin formalaşması yolları (ali məktəblərin dil  fakültələrinin  yuxarı kursları  üzrə)”

İxtisas: 5801.01- Təlim və tərbiyənin nəzəriyyəsi və metodikası (ingilis dilinin tədrisi metodikası)

2.Əmirova Solmaz Cəmil qızı

Dissertasiya mövzusu: “İxtisası dil olmayan ali məktəblərdə tədris mətninin leksikasının öyrənilməsində bacarıq və vərdişlərin formalaşması metodları” 

İxtisas: 5801.01- Təlim və tərbiyənin nəzəriyyəsi və metodikası (ingilis dilinin tədrisi metodikası)

3.Axundova Turan Rauf qızı

Dissertasiya mövzusu: “Qeyri ixtisas universitetlərində ingilis dilinin tədrisində multimediya proqramlarından istifadə tələbələrin kommunikativ səriştəsinin formalaşması vasitəsi kimi”

İxtisas: 5801.01- Təlim və tərbiyənin nəzəriyyəsi və metodikası (ingilis dilinin tədrisi metodikası)

4.Alıyeva Günay Dilqəm qızı

Dissertasiya mövzusu: “Tələbələrin mədəniyyətlərarası ünsiyyət bacarıqlarının keys metodu vasitəsilə inkişaf etdirillməsi”;

İxtisas: 5801.01 – Təlim və tərbiyənin nəzəriyyəsi və metodikası (Xarici dilin (ingilis dilinin) tədrisi metodikası);

5.Səfərova Yeganə Xaləddin qızı

Dissertasiya mövzusu: “İngilis dilindəki bədii mətnlərin təhkiyə strukturunda keçmişin linqvistik ifadə vasitələri”

İxtisas: 5704.01- Dil nəzəriyyəsi

6.Əsgərova Bənövşə Allahverdi qızı

Dissertasiya mövzusu: “Müasir İngilis dilində mətnin informasiya strukturunda qrammatikanın rolu”

İxtisas: 5708.1-German dilləri

7.Nəzərli Fidan Sadiq qızı

Dissertasiya mövzusu: “Müasir ingilis dilində bədii mətnlərin formalaşmasında ellipsis”

İxtisas: 5708.1-German dilləri

8.Məmmədova Şəlalə Arif qızı

Dissertasiya mövzusu: “Müxtəlifsistemli dillərdə ekzistensional cümlələrin praqmatik xüsusiyyətləri”

İxtisas:  5704.01- Dil nəzəriyyəsi

9. Qəhrəmanova Röya Nadir qızı

Dissertasiya mövzusu: “Azərbaycan dili şivələrində qədim türk sözlərinin tarixi linqvistik təhlili”

İxtisas:  5706.01- Azərbaycan dili

10. Orucova Türanə Rüfət qızı

Dissertasiya mövzusu: “”(hələ təsdiqlənməyib)

İxtisas: 5706.01- Azərbaycan dili

11. Məmmədova Nigar Oruc qqızı

Dissertasiya mövzusu: “”(hələ təsdiqlənməyib)

İxtisas:  5706.01- Azərbaycan dili

12. Hətəmli Səlbinə Müşfiq qızı

Dissertasiya mövzusu: “ ”(hələ təsdiqlənməyib)

İxtisas: 5802.01-Təhsilin təşkili və planlaşdırılması

13. Xəlilzadə Şəbnəm Şahin qızı

Dissertasiya mövzusu: “ ”(hələ təsdiqlənməyib)

İxtisas: 5718.01-Dünya ədəbiyyatı