KÖNÜL HƏSƏNOVA
(filologiya üzrə fəlsəfə doktoru, baş müəllim,
Filologiya fakültəsinin dekan müavini)
Könül Nəriman qızı Həsənova 9 yanvar 1987-ci ildə Abşeron rayonunun Mehdiabad qəsəbəsində anadan olmuşdur. 2003-cü ildə Mehidiabad qəsəbə 1 saylı orta məktəbi əla qiymətlərlə bitirmişdir. Elə həmin il də Azərbaycan Dillər Universitetinə daxil olmuşdur. Universiteti bitirdikdən sonra Nərimanov rayonundakı G.Əsgərova adına 43 saylı BMLK-da ixtisası üzrə işləməyə başlamışdır. İşlədiyi müddətdə Azərbaycan Respublikası Təhsil Nazirliyi və XXI əsr Beynəlxalq Təhsil və İnnovasiya Mərkəzinin təşkil etdiyi Ümumi orta təhsil səviyyəsində yeni fənn kurikulumların tətbiqi, Azərbaycan Respublikası Təhsil Nazirliyi və “Mədəd” təşkilatı tərəfindən təşkil edilmiş İntel “Gələcək üçün Təhsil”, Azərbaycan Respublikası Təhsil Nazirliyi və İdrak liseyinin təşkil etdiyi Ümumi orta təhsil səviyyəsində yeni fənn kurikulumların tətbiqi”, “Curriculum Development” adlı təlim kurslarını müvəffəqiyyətlə bitirmiş və I dərəcəli serifikatla dəyərləndirilmişdir. O, 2016-cı ildə “Empowering Learning” IV Beynəlxalq Təhsil Konfransında iştirak etmişdir. ADPU-nun Xarici Dillər Mərkəzinin əməkdaşıdır. 2021-ci ildə Azərbaycan Respublikasının Təhsil nazirinin müvafiq əmri ilə "Azərbaycan Respublikası qabaqcıl təhsil işçisi" döş nişanı ilə təltif olunmuşdur. Həmin ildən ADPU-nun Filologiya fakültəsinin 57.06.01 – Azərbaycan dili ixtisası üzrə qiyabi doktorantıdır. Humanitar elmlər üzrə problem şurasının 29 sentyabr 2021-ci il tarixli iclasında “Azərbaycan nəsr mətnlərində linqvistik qənaət prinsipinin təzahür səviyyəsi” (elmi rəhbər akademik Nizami Qulu oğlu Cəfərov) filologiya üzrə fəlsəfə doktoru dissertasiya mövzusu olaraq təsdiq edilmişdir. 17-21 mart 2022-ci ildə Türkiyədə keçirilən V “Beynəlxalq Novruz Zirvəsi” adlı beynəlxalq konfransda iştirak etmiş və sertifikatla təltif olunmuşdur. 24 may 2022-ci ildə ADPU-nun Şamaxı filialında keçirilən V Beynəlxalq Konfransında iştirak etmiş və sertifikatla təltif olunmuşdur. 04.04.2022-08.04.2022-ci il tarixlərində Danimarkada keçirilən Universitetlər arası Beynəlxalq həftədə iştirak etmiş və fəal iştirakına görə sertifikatla təltif olunmuşdur. Beynəlxalq konfranlarda, seminarlarda və təlimlərdə fəal iştirakına görə müxtəlif sertifikatlarla təltif olunmuşdur. 2022-cı ilin aprel ayının 1-dən Filologiya fakültəsinin Elmi işlər üzrə dekan müavini təyin edilmişdir.
30 oktyabr 2022-ci ildə Azərbaycan Respublikasının Prezidenti yanında Ali Atestasiya Komissiyasının Sumqayıt Dövlət Universitetində FD 2.24- Dissertasiya şurasının iclasında “Azərbaycan nəsr mətnlərində linqvistik qənaət prinsipinin təzahür səviyyəsi” adlı filologiya üzrə fəlsəfə doktoru dissertasiyasını müdafiə etmişdir.
Ailəlidir. 3 övladı var.
Beynəxalq Sertifikatları:
1.Teaching Knowledge Test (TKT) Module 1-band 3