Cəfər Əsəd oğlu Cəfərov 1932-ci ildə Qərbi Azərbaycanın Əştərək rayonundakı Hamamlı kəndində anadan olmuşdur. İrəvanın şimal-qərbində 40 km məsafədə yerləşən bu kənd Azərbaycan xalqının ən görkəmli simalarından biri olan prof. Əziz Məmmədkərim oğlu Əliyevin parlaq şəxsiyyəti sayəsində tarixə düşmüşdür. Prof. Ə.Əliyev 1897-ci ildə bu kənddə anadan olmuşdur.

C.Cəfərov 1945-ci ildə Hamamlı kənd yeddiillik məktə­bini, 1948-ci ildə İrəvan Azərbaycan Pedaqoji Texnikumunu bitirmiş, 1948-1950-ci illərdə Hamamlı kənd məktəbində müəllim işləmişdir. SSRİ Nazirlər Sovetinin qərarına əsasən bədnam Ermənistan dövləti tərəfindən 1950-ci ildə Əştərək rayonunda yaşayan azərbaycanlılar Azərbaycan respubli­kasının müxtəlif rayonlarına, o cümlədən də Hamamlı kənd sakinləri Azərbaycanın Salyan rayonuna deportasiya olunmuşlar.

C.Cəfərov 1950-ci ildə Qazax Müəllimlər İnstitutunu bitirmiş, 1952-1953-cü tədris ilində Salyan rayonunun 4 saylı məktəbində dil-ədəbiyyat müəllimi işləmiş, 1953-1958-ci illərdə BDU-nun filologiya fakültəsində təhsilini davam etdirmişdir. 1958-1960-ci illərdə Tərtər rayonunda müəllim işləmişdir. 1960-1964-cü illərdə APİ-nin (indiki ADPU) aspiranturasında oxumuş, 1964-1974-cü illərdə Azərbaycan dil­çi­liyi kafedrasında ardıcıl olaraq assistent, baş müəllim, dosent vəzifə­lərində fəaliyyət göstərmişdir. Azərbaycan dilçiliyi kafedrasında do­sent vəzifəsinə bərpa edilmişdir. 1993-cü ildən Müasir Azərbaycan dili kafed­rasında professor vəzifəsində çalışır.

Sevinc Sərhad qızı Sadıqova 1978-ci il mart ayının 11-də  Bakı şəhərində anadan olmuşdur. 1985-ci ildə Bakı şəhəri Sabunçu rayonunun 252 saylı orta məktəbinin birinci sinfinə qəbul olunmuş, 1995-ci ildə həmin məktəbi əla qiymətlərlə bitir­mişdir.

Sevinc Sadıqova 1995-ci ildə N.Tusi adına Azərbaycan Dövlət Pedaqoji Universitetinin Filologiya fakültəsinə qəbul olunmuş, 1999-cu ildə həmin universiteti fərqlənmə diplomu ilə bitirmiş, 1999-2001-ci illərdə­ Azərbaycan Dövlət Pedaqoji Universitetinin Filologiya fakültə­sinin Azərbaycan dilçiliyi kafedrasının magistri olmuş və oranı da fərq­lən­mə diplomu ilə bitirmişdir. 2006-2010-cu illərdə Azərbaycan Dövlət Pedaqoji Universitetinin Müasir Azərbaycan dili kafedrasının Azərbay­can dili ixtisası üzrə dissertantı olmuş, “Dərələyəz toponim­lərinin linqvistik xüsusiyyətləri” mövzusunda filologiya elmləri üzrə fəlsəfə doktor­u elmi dərəcəsi almaq üçün dissertasiyanı vaxtın­dan əvvəl tamam­lamış və müdafiə üçün Bakı Dövlət Univer­sitetinin nəzdində fəaliyyət göstərən ixtisaslaşmış Dissertasiya Şurasına təqdim etmişdir. Dissertant olduğu müddətdə mövzusu ilə bağlı 15 məqalə və beynəlxalq konfrans­larda 2 tezis çap etdirmişdir. S.Sadıqovanın məqalələrinin 3-ü xarici ölkələrdə-Türkiyə, Özbəkistan və Qazaxıstanda nəşr olunmuşdur. O, 2012-ci ildə filologiya üzrə fəlsəfə doktoru diplomunu almışdır.

S.Sadıqova əmək fəaliyyətinə 2000-ci ildə Bakı şəhəri Sabunçu rayonu N.Rzayev adına 169 saylı orta məktəbdə Azərbaycan dili və ədəbiyyat müəllimi kimi başlamış, 2003-2007-ci illərdə həmin məktəbdə təlim-tərbiyə işləri üzrə direktor müavini vəzifəsində işləmişdir. 2007-ci ilin sentyabr ayından Azərbaycan Dövlət Pedaqoji Universitetinin Müasir Azərbaycan dili kafedrasının müəllimi, 2012-ci ildən baş müəl­limi seçil­mişdir. S. Sadıqova 2013-cü ildən AMEA-nın Nəsimi adına Dilçilik İnstitutunun filologiya üzrə elmlər doktoru proqramı üzrə dokto­rantıdır. 2015-ci ildə ADPU-nun Filologiya fakültə­sinin Elmi Şurasında dosent  vəzifəsinə  seçilmişdir.

O, 60-a yaxın məqalənin, bir dərs vəsaitinin, üç proqra­mın, bir kitabın (həmmüəllif) müəllifidir.

Mahmud Qara Oğlu Allahmanlı 1960-cı il Qazax rayonu, Kəmərli kəndində anadan olmuşdur. O, ADPU-nun (keçmiş V.İ.Lenin adına ADPİ) filologiya fakültəsində (1978-1982) təhsil almışdır. 1989-cu ildən ADPU-da baş müəllim, dosent, professor vəzifələrində çalışır. “Aşıq Valehin həyat və yaradı­cılığı” mövzusunda namizədlik dissertasiyası (1990),  “Aşıq yaradıcılığının inkişaf mərhələləri” mövzusunda doktorluq dissertasiyası (2008) müdafiə etmişdir. Professordur (2009). “Aşıq Valehin sənət dünyası” (1991), “Şamanla ozan arasında” (1996), “Ozan, aşiq və aşıq” (1997),  “Türk dastan yaradıcılığı” (1998), “Din, təriqət və aşıq” (1999), “Şaman, ozan və aşıq” (2002), “Haqdan yanan ocaq” (2005), “Ədəbi düşüncələr” (2006), “Krım-tatar ədəbiyyatı” (2007), “Aşıq Ömərin yaradıcılığı” (2008), “Folklorşünaslıq məsələləri” (2012), “Təxəllüsü Vaqif, nəzmi dürəfşan” (2017) “Aşıq şeirinin poetik biçimləri və çeşidləri” (M.Qasımlı ilə birgə) – (2018), “Folklorşünas düşüncələri” (2018), “İki ömrün dastanı” (M.Balayevlə birgə) – (2019), “İzahlı aşıq ədəbiyyatı sözlüyü” (M.Qasımlı ilə birgə) – (2019)  və s. kitabların müəllifidir. Krım-tatar ədəbiyyatı ilə bağlı araşdırmalarına (“Aşıq Ömərin yaradıcılığı” kitabına) görə, Ukrayna Respublikasında Bəkir Çobanzadə mükafatına (qızıl medal) layiq görülmüşdür (2009). “Təxəllüsü Vaqif, nəzmi dürəfşan” monoqrafiyasına görə TÜRKSOY-un mükafatını almışdır (2017). “Aşıq yaradıcılı­ğının inkişaf mərhələləri” (2011) adlı dərsliyin (magistratura pilləsi üçün) müəllifidir. Türk şeir ənənəsi, onun inkişaf istiqamətləri, dastan yaradıcılığı ilə bağlı ciddi araşdırmaları var. Dünya sinkretik sənətini aşıq sənəti ilə müqayisəli işləmiş, aedlərlə, rapsordlarla, vaqantlarla, trubadurlarla yaxınlıq və özünəməxsusluq məsələlərinin geniş şərhini vermişdir. Türk xalqlarının dastan yaradıcılığını, qəhrəmanlıq eposlarını bir problem kimi özündə əks etdirən monoqrafik əsərlər müəllifidir. Anadilli epik poeziyada dastançılıq məsələlərini işləmişdir. Xalq ədəbiyyatından, qədim və orta əsrlər Azərbaycan ədəbiyyatından ADPU-da mühazirələr oxuyur. Bakı Slavyan Universitetində, Bakı Avrasiya Universitetində, Bakı Müəllim­lərin Təkmilləş­dirilməsi və Yenidənhazırlanması İnstitutunda, Quba Müəllimlər İnstitutunda, Cəlilabad Müəllimlər İnstitutunda müxtəlif vaxtlar­da müəllim işləmişdir. Azərbaycan Respublikasının Prezidenti yanında Ali Attestasiya Komisiyasında ekspert komissiyasının üzvü, Folklorşünaslıq üzrə Əlaqələndirmə Şurasının sədr müavini olmuşdur. Qarabağ aşıq mühitinin və Qarabağ ədəbi mühitinin tədqiqatçılarındandır. Beynəlxalq simpozium və konfransların iştirakçısı olmuşdur. “Ozan-aşıq ensiklopedi­yası”nın (2019)  baş redaktorunun müavinidir.

Qüdrət Umud oğlu Umudov 16 may 1957-ci ildə Şama­xının Göylər kəndində anadan olmuşdur. Atası Umud Xalıqverdi oğlu ali təhsilli aqronom, anası Mənzumə Rzabala qızı isə evdar qadın olmuşdur.

1964-cü ildə birinci sinfə gedən Q.Umudov 1974-cü ildə Göylər kənd orta məktəbini bitirərək, elə həmin ildə APİ-nin Filologiya fakül­təsinə daxil olur, 1978-ci ildə institutu “Fərq­lənmə diplomu” ilə bitirir. Təyinatla Göylər kənd 8-illik məktəbində ixtisası üzrə pedaqoji fəaliyyətə başlayır. Bir ildən sonra tədris işləri üzrə direktor müavini təyin olunan Qüdrət müəllim eyni zamanda yerli həmkarlar təşkilatına da rəhbərlik edir.

1980-cı ilin payızında aspiranturaya daxil olmaq üçün Bakıya getsə də, məqsədinə çata bilmir və hərbi xidmətə gedir. SSRİ Müdafiə Nazirli­yinin Moskvanın yaxınlığında yerləşən yüksək rütbəli zabitlərin müalicə olunduğu Mərkəzi Klinik sanatoriyasında vzvod komandiri, həmçinin Moskva Hərbi dairə tribunalında iclasçı hakimin məşvərətçisi kimi də xidmət edir.

1982-ci ilin yayında hərbi xidmətdən qayıdan Qüdrət müəllim pedaqoi fəaliyyətini Göylər kənd orta məktəbində davam etdirir. 1985-ci ilin yaz qəbulunda V.İ.Lenin adına APİ-nin “Folklorşünaslıq” ixtisası üzrə əyani (məqsədli) aspiran­turasına daxil olur. “Azərbaycan folklor­şünaslığının inkişaf  yolları (1930-40-cı illər)” mövzusunda namizədlik dissertasi­yasını uğurla müdafiə edən (1990) Q.Umudov elmi laborato­riyada elmi işçi, baş elmi işçi kimi fəaliyyət göstərir, paralel olaraq “Azərbaycan ədəbiyyatı tarixi” kursları üzrə dərslər aparır.

Qüdrət Umudov hal-hazırda ADPU-nun “Ədəbiyyat” kafed­rasının dosentidir. 3 monoqrafiyanın, “Azərbaycan şifahi xalq ədəbiyyatı mün­təxəbatı”nın, 10-a yaxın dərs vəsaitinin, 9 proqramın 100-dən artıq mə­qa­lənin müəllifidir. “Müstəqillik dövrü Azərbaycan folklorşünaslı­ğının inkişaf problemləri” adlı  doktorluq dissertasiyasını tamamlamaq üzrədir.

Monoqrafiyası:

Folklorşünaslığımızın tarixindən (1920-41-ci illər) Dərs vəsaiti.

Azərbaycan folklorşünaslığı: tarixi problemləri. Bakı, ADPU nəşri, 2011, 273 səh.

Yeganə Nəriman qızı Qasımova 1969-cu ildə Bakı şəhə­rində ziyalı ailəsində anadan olmuşdur.1986-cı ildə Bakıdakı 190 saylı orta məktəbi bitirmiş, həmin il ADPU-nun filologiya fakültəsinə daxil olmuşdur. 1991-ci ildə ADPU-nu Fərqlənmə diplomu ilə bitirmişdir.

1991-ci ildə Azərbaycan Ensiklopediyasında mütəxəssis vəzifəsin­də əmək fəaliyyətinə başlamışdır. İşlədiyi müddətdə Respublika Xatirə Kitabının üç cildi üçün materialların toplan­ması və çapa hazırlanmasında işçi qrupunun üzvü kimi iştirak etmiş, 6 kitabın bədii, elmi və nəşriyyat redaktoru olmuşdur.

1995-ci ildən ADPU-da çalışır. 2003-cü ildən müəllim kimi fəaliy­yət göstərir. 2009-cu ildən Azərbaycan ədəbiyyatı tarixi kafedrasının baş müəllimidir. Azərbaycan ədəbiyyatı tarixi (XIX-XX əsrlər), Azərbaycan ədəbiyyatı tarixi  (müasir dövr), Azərbaycan ədəbiyyatı fənlərini tədris edir.

Filologiya üzrə fəlsəfə doktorudur. 2014-cü ildə “İlyas Əfən­diyevin bədii publisistikası” mövzusunda dissertasiya mü­dafiə etmişdir. Müasir Azərbaycan ədəbiyyatı ilə bağlı çoxsaylı elmi məqalənin müəllifidir. “Azərbaycan ədəbiyyatı” (qeyri-ixtisas fakültələri üçün), Azərbaycan ədəbiyyatı tarixi (XIX-XX əsrlər) (Prof.T.Cavadovla birlikdə) proqram­larının tərtibçisidir.  Azər­baycan  Onomastikası problemlərinə həsr olun­muş Res­publika Elmi Konfransı (1988), “Şərq filologiyasının aktual prob­­lemləri” Respublika Elmi Konfransı (2011), ADPU pro­fessor-müəl­lim heyətinin X Elmi Konfransı (2012) və VII Uluslararası türk kültürü, sanatı və kültürel mirası koruma Sempozyumunun (2013), “Mədə­niyyətlərarası dialoqda bədii ədəbiyyatın rolu” mövzusunda beynəlxalq konfransın (2018), “Elm və təhsilin aktual problemləri” adlı beynəlxalq konfransın (2019) və s. iştirakçısıdır. 20-dən artıq məqaləsi çap olunmuş-dur.

Azərbaycan Respublikasının Təhsil Nazirliyinin, Avropa İttifaqı­nın, UNİCEF, Azərbaycan Universitetlər Konsorsiumu­nun, Qlobal Karyera İnstitutu və s. həyata keçirdikləri çoxsaylı layihələrin təlim nəticələrinə görə Sertifikatlara layiq görül­müşdür.

İradə Məzahim qızı Kərimova 1981-ci il avqustun 3-də Göyçay rayonunda anadan olub. 1998-ci ildə Göyçay rayonunda orta məktəbi bitirib. 2002-ci ildə N.Tusi adına Azərbaycan Dövlət Pedaqoji Universitetinin Filologiya fakültəsinin bakalavr pilləsini, 2004-cü ildə həmin universitetin Dilşünaslıq ixtisası üzrə magistraturanı fərqlənmə diplomu ilə bitirmişdir. 2013-cü ildə AMEA-nın Nəsimi adına Dilçilik İnstitutunun dissertantu­rasını bitirib, həmin ildə namizədlik dissertasiyası müdafiə edərək Azərbaycan dili ixtisası üzrə filologiya üzrə fəlsəfə doktoru elmi adını alıb. 2004-cü ildən ADPU-nun Azərbaycan dilçiliyi kafedrasında müəllim, 2009-cu ildən həmin kafedrada baş müəllim və dosentdir.

30 yerli, 5 beynəlxalq məqalənin müəllifidir.

Ailəlidir. 1 övladı var.

Vaqif Tapdıq oğlu Qurbanov 18 may 1943-cü ildə Əli Bayramlı rayonunun (indiki Şirvan) Qarabağlı kəndində anadan olmuşdur.1951-1957-ci illərdə Qarabağlı kənd yeddiillik, 1958-1961-ci illərdə Kərim­bəyli kənd orta məktəbində təhsil almışdır.

1961-ci ildə V.İ.Lenin adına APİ-yə (indiki ADPU-ya) daxil olmuş, 1966-1969-cu illərdə təhsilini davam etdirmiş və institutu bitirmişdir. 1975-1987-ci illərdə Azərbaycan Elmi-Tədqiqat Pedaqoji Elmlər İnstitutunda (Azərbaycan Respub­likası Təhsil Problemləri) elmi işçi vəzifəsində çalışmışdır. 1986-cı ildə namizədlik dissertasiyası müdafiə etmiş, pedoqoji elmlər namizədi alimlik dərəcəsi almış və baş elmi işçi vəzifəsində çalışmışdır. 2015-ci ildə doktorluq dissertasiyası müdafiə etmiş­dir. 1992-1996-cı illərdə Azərbaycan Respublikası Prezidenti ya­nında Ali Attestasiya Komissiyasında Humanitar və ictimai elmlər şöbə­sinin rəis müavini, 1999-cu ildən 2016-cı ilə kimi Azərbaycan Müəl­limlər İnstitutunda dosent, 2016-cı ildən ADPU-nun Azərbaycan dili və onun tədrisi texnologiyası kafed­ra­­sında müəllim kimi fəaliyyət göstərir. 150-dən çoxelmi-meto­dik əsəri nəşr olunmuşdur. Azə­r­bay­can Respub­likası Təhsil Na­zir­liyində yeni dərsliklərin yaradıl­ması üzrə şura üzvü kimi də ictimai fəaliyyət göstərir.

Rəhilə Əşrəf qızı Hümmətova 1959-cu il iyunun 18-də Tovuz rayonunun Köhnəqala kəndində anadan olmuşdur. 1975-ci ildə Tovuz rayonunun Köhnəqala kənd orta məktəbini bitirmişdir, 1981-ci ildə APİ-nin filologiya fakültəsini bitirmiş­dir, 2005-ci ildə namizədlik disserta­siyasını müdafiə etmişdir. Filologiya elmləri üzrə fəlsəfə doktorudur. 1981-1982-ci illərdə Sabirabad rayonunun Qarağac kəndində Azərbay­can dili və ədəbiyyat müəllimi işləmişdir. 2001-ci ilə qədər Bakı şəhəri Nizami rayonu 250 saylı orta məktəbdə dil-ədəbiyyat müəllimi kimi fəaliyyət göstərmişdir. 2001-ci ildən ADPU-nun Azər­baycan dili və onun tədrisi texnologiyası kafedrasına müəllim təyin edilmişdir. 6 kitabın və 28 elmi məqalənin müəllifidir.

Mükafatlar

Bakı şəhər Baş Təhsil İdarəsi tərəfindən “Pedaqoji mühazirələr üzrə I dərəcəli Diplom (2004)”

Fəxri adlar

“İlin ən yaxşı müəllimi” müsabiqəsində Nizami Rayon Təhsil Şöbəsinin Fəxri fərmanı ilə (I yer) təltif olunmuşdur.

Gültəkin Atəş qızı Abdullayeva 1974-cü il 26 sentyabrda Bakı şəhərində anadan olmuşdur. 1991-ci ildə Bakı şəhər36 saylı orta məktəbi gümüş medalla bitirmişdir. 1991-1996 ildə N.Tusi adına ADPU-nun Pedaqoji-musiqi fakültəsini fərqlənmə diplomu ilə bitirmişdir. 2010-cu ildə “İbtidai siniflərdə şagird­lərin nitqinin ifadəliliyi üzrə işin sistemi” mövzusunda disser­tasiya işini müdafiə edərək pedaqogika üzrə fəlsəfə doktoru elmi dərəcəsi almışdır. 1996-1997-ci illərdə Bakı Ali Pedaqoji Qızlar Seminariyasının pedaqoji fənlər kafedrasında laborant kimi işləmişdir. 1997-1999-cu illərdə Bakı Ali Pedaqoji Kadrların İxtisasının Artırılması və Yenidən Hazırlanması İnstitutunun “Rəhbər kadrların ixtisasının artırılması və yenidən hazırlan­ması” dekanlığının laborantı olmuşdur. 1998-2003-cü illərdə 286 saylı məktəbdə ibtidai sinif müəllimi işləmişdir. O, 21 elmi meto­dik məqalənin müəllifidir.

Yaqub Məhərrəm oğlu Babayev 1958-ci ildə Gədəbəy rayonunun Dəyəqarabulaq kəndində müəlllim ailəsində anadan olmuşdur. Dəyə­qarabulaq kənd səkkizillik məktəbini bitirmiş (1965-1973), Rüstəm Əliyev adına (indi Miskinli adlandırılan bu qədim kəndin tarixi adı Qarabulaqdır) kənd orta məktəbində orta təhsilini tamamlamışdır.1976-1980-ci illərdə  H.Zərdabi adına Kirovabad Dövlət Pedaqoji İnstitutunda (indiki Gəncə Dövlət Pedaqoji Universitetində) ali təhsil almış, həmin institu­tun Azərbaycan dili və ədəbiyyatı fakültəsini fərqlənmə diplomu ilə bitirmişdir.

1985-1988-ci illərdə V.İ.Lenin adına ADPİ-nin (indiki ADPU) Azər­baycan ədəbiyyatı tarixi kafedrasının əyani aspirantı olmuş, “Azər­baycan uşaq nəsrinin inkişafı tarixindən (1905-1920)” mövzusunda na­mizədlik dissertasiyasını müdafiə edərək 1989-cu ildə filologiya elmlər namizədi elmi dərəcəsini almışdır.

Y.Babayevin əmək fəaliyyəti 1990-cı ildən ADPU ilə bağ­lıdır. “Folklorşünaslıq” laboratoriyasında kiçik elmi işçi kimi fəaliyyətə baş­layan Y.Babayev baş elmi işçi,  Azərbaycan ədəbiy­yatı tarxı kafed­rasında müəllim işləmişdir. 1998-2003-cü illərdə dosent vəzifəsini tutan Yaqub müəllim 2003-cü ildən uni­ver­sitetdə yeni yaradılmış  Folklor və qədim ədəbiyyat kafed­rasında dosent vəzifəsində çalışmışdır.2011-ci ildə doktorluq dissertasiyanı müdafiə edərək filologiya elmlər doktoru elmi dərəcəsi almışdır.

2011-2015-ci illərdə Azərbaycan ədəbiyyatı tarixı kafed­rasında, 2015-ci ildən etibarən Ədəbiyyat və onun tədrisi metodikası kafedrasında çalışmış, 2017-ci ildə həmin kafedranın professoru vəzifəsinə layiq görülmüşdür.

10 kitabın və klissik ədəbiyyatımızın müxtəlif problem­lərinə və şəxsiyyətlərinə həsr olunmuş 15-ə qədər elmi məqaləsi, respublikada 100-dən cox elmi, 40-a yaxın publisistik məqaləsi dərc olunmuşdur.

Azərbaycan Yazıçılar Birliyinin (AYB) üzvüdür. 2019-cu idə Azər­baycan Respublikası Prezidenti yanında Ali Attestasiya Komis­siyasının eksperti seçilmişdir.

Hal-hazırda Ədəbiyyatın tədrisi texnologiyası  kafedra­sının profes­soru, fakültə Elmi Şurasının üzvüdür.

Ailəlidir, bir oğlu var.

Təltifləri

• 1915-1916-cı illərdə AYB xətti ilə Prezident təqaüdünə layiq görülmüşdür.
• 2019-cu ildə “Qızıl qələm” ədəbi mükafatına layiq görülmüşdür.

Fəxrəddin Allahverdi oğlu Yusifov 1956-cı ildə Gürcüstan Respub­likası Dmanisi rayonunun Muğanlı kəndində anadan olmuşdur. İlk təhsilini Muğanlı kənd orta məktəbində almışdır. 1973-ci ildə məktəbi bitirib H.Zərdabi adına GDPİ-nin filolo­giya fakültəsinə daxil olmuşdur. Ali məktəbi bitirdikdən sonra tə­yinatla Füzuli Rayonunun Böyük Bəh­mənli kənd orta mək­təbində ixtisası üzrə müəllim vəzifəsində çalışmış,  1980-ci ildə istehsalatdan ayrılmaqla ADPU-nun (keçmiş V.İ. Lenin adına APİ-nin) aspiranturasında   təhsil almışdır. 1983-cü ildə Ədəbiy­yat və onun tədrisi metodikası kafedrasında baş laborant kimi əmək fəaliy­yətinə başlamışdır.  1988-ci ildə “Folklorun tədrisi pro­sesində şagirdlərin şifahi nitqinin inkişaf etdirilməsi yolları (V-VII siniflər)”  adlı nami­zədlik dissertasiyası müdafiə edərək pedaqoji elmlər namizədi alimlik dərəcəsi  adını almışdır. 1990-cı ildən həmin kafedrada müəllim,  baş müəllim, dosent vəzifə­lərini tutmuşdur. 2010-cu ildə respublika üzrə keçirilən elektron təhsil müsabiqəsində mükafat və diploma layiq görül­müşdür.

30-a qədər elmi-metodik məqalənin, 3 proqram,  9 dərslik  və dərs vəsaitinin  müəllifidir.

Ailəlidir, iki oğlu var.

Bilal Ağabala oğlu Həsənli 1953-cü ildə Salyan rayo­nunun Xıdırlı kəndində anadan olub. Orta təhsilini kənd məktəbində bitirib Azərbaycan Pedaqoji İnstitutunun (indiki ADPU) filologiya fakültəsinə daxil olur və  fərqlən­mə diplomu ilə bitirib kənd məktəbində Azər­baycan dili və ədəbiyyat müəllimi kimi əmək fəaliyyətinə başlamışdır. 1977-79-cu illərdə APİ-nin aspiranturasında Ədə­biy­yatın tədrisi metodikası ixtisası üzrə təhsil alıb.

1989-cu ildə “Ədəbiyyatdan sinifdənxaric oxunun proq­ram mate­rialları ilə əla­qələndirilməsi yolları” mövzusunda dissertasiya müda­fiə edərək pedaqogika üzrə fəlsəfə doktoru alimlik dərəcəsinə layiq görülüb.

1990-cı ildən 2016-cı ilədək Azərbaycan Müəllimlər İnstitutunda Azərbaycan ədəbiyyatı və tədrisi metodi­kası kafedrası­nın müəllimi, baş müəllimi, dosenti, kafedra müdiri işləmişdir. 2016/17-ci tədris ilindən Azərbaycan  Dövlət   Peda­qoji   Universiteti    Ədəbiyyatın tədrisi metodi­kası kafedrası­nın  dosentidir.

Ümumtəhsil məktəblərinin 5-ci, 6-cı, 9-cu sinifləri üçün “Ədə­biyyat” dərslikləri, X-XI siniflər üçün  “Ədəbiy­yat müntəxəbatı» dərs vəsaitləri şərikli nəşr olunmuşdur. Hazırda ümumtəhsil məktəblərində tətbiq olunan V-XI siniflər üçün ədəbiyyat fənn kurikulumunun həmmüəllifidir.

Təhsil Nazirliyi ilə  Beynəlxalq Qırmızı Xaç Komitəsinin Bakı nü­mayəndəliyinin əməkdaşlıq müqaviləsinə uyğun olaraq ədəbiy­yat dərslə­rində beynəlxalq humanitar hüquq üzrə biliklərin öyrənil­məsinə həsr olunmuş 5-ci sinif şagirdləri üçün “Hamımız bir günə­şin zərrəsiyik”, 6-cı sinif şagirdləri üçün “Dünya mənim, dünya sə­nin” adlı orijinal dərs vəsaitlərinin və müəllim  üçün  metodik  vəsaitlərin  müəllifidir.

“Azərbaycan məktəblərində beynəlxalq humanitar hüquq üzrə bilik­lərin öyrənilməsi” dərs vəsaiti BQXK tərəfindən nəşr olun­muşdur. Cenevrədə çıxan “Beynəlxalq Qırmızı Xaç və Qırmızı Ay­para” jur­nalında “Dünya sənin, dünya mənim” kitabı haqqında məqalə dərc olun­muşdur. Həmin əsərlər Moskvada çıxan «Kataloq izdaniy. Mej­du­na­rodnıy Komitet Krasnoqo Kresta» kitabına daxil edilmişdir.

A­li və orta məktəblər üçün 40 monoqrafiya, dərslik, dərs vəsa­iti, 8 proqram, respublikamızda və xaricdə nəşr olunmuş 97 jurnal, 60-dək qəzet məqaləsinin müəllifidir. 22 beynəlxalq elmi konfransda, 21 respublika konfransında iştirak  etmişdir.

Ailəlidir, 2 övladı  var.

Təltifləri

• 2003-cü ildə akademik Mehdi Mehdizadə adına mükafata layiq görülmüşdür.
• 2009-cu ildə Azərbaycan Respublikası  Prezidentinin  fərmanı ilə Respub­li­ka­nın  Əməkdar  müəllimi  adına  layiq  görülmüşdür.

Günay Dilqəm qızı Alıyeva 4 avqust 1979-cu ildə Bakı şəhərındə anadan olub. 1996-cı ildə Bakı şəhər Xətai rayonu 95 saylı məktəbi bitirib. Elə həmin il Azərbaycan Dillər Universitetinin Filologiya fakül­təsinə qəbul olub, 2000-ci ildə isə həmin universiteti fərqlənmə diplomu ilə bitirib. 2002-ci ildə Azərbaycan Dillər Universitetinin Dilşünaslıq (İngilis dili) fakültəsini fərqlənmə diplomu ilə bitirib. 2004-2012-ci illərdə Azərbaycan Dillər Universitetinin İngilis dilinin qram­matikası kafedrasının müəllimi, 2012-ci ildən ADPU-nun Filologiya fakültəsinin İngilis dili kafedrasında (indiki Xarici Dillər Mərkəzi) müəllim işlə­yir.2018-ci ildə fəlsəfə doktoru proqramı üzrə 5801.01- “Təlim və tərbiyənin nəzəriyyəsi və metodikası” (Xarici dilin (İngilis dilinin) tədrisi metodikası) ixtisasına dissertant qəbul olunub. 2016-cı ildən Filologiya Fakültəsinin Tədris Metodiki Şurasının üzvü, 2018-ci ildən Filologiya fa­kül­təsinin Elmi Şurasının və ADPU-nun Elmi-Meto­diki Şurasının üz­vüdür. 2019-cu ildən YAP-ın Filologiya fakültəsi üzrə kura­torudur. 2019-cu ildə  Xarici  Dillər Mərkəzinin direktor müavini təyin edilmiş­dir.

O, 1 dərs vəsaiti və 1 metodik vəsait, respublika daxi­lində 1 proq­ram, 5 tezis, 13 məqalə, respublika  xaricində 3 məqalənin  müəllifidir.

Ailəlidir, 3 övladı var.

Beynəxalq Sertifikatları:

1.İELTS (academic)- overall band score 7, CEFR level C1

2.Teaching Knowledge Test (TKT) Module 1-band 3

3.Teaching Knowledge Test (TKT) Module 2-band 3

4.Teaching Knowledge Test (TKT) Module 3-band 3

Qəribə Məmməd qızı Məmmədova 1955-ci ildə Şəmkir rayo­nunda anadan olmuşdur. 1962-ci ildə həmin rayonda orta məktbə daxil olmuş, 1972-ci ildə məktəbi fərqlənmə ilə bitirərək Azərbaycan Pedaqoji Dillər İnstitutunun ingilis dili fakültəsinə daxil olmuşdur. 1976-cı ildə İnstitutu bitirərək təyinatla Zən­gilan rayonuna ingilis dili müəllimi kimi işə göndərilmiş, 1993-cü ilə kimi həmin rayonda ingilis dili müəllimi işləmişdir. 1993-2001-ci illərdə Şəmkir rayonunda pedaqoji fəaliyyətini davam etdirmişdir. 2002-ci ildən Elm və Təhsil Mərkəzi “Təfək­kür” Univer­sitetində müəllim, baş müəllim və dosent kimi işləmişdir. 2004-cü ildən Azərbaycan Dillər Universitetinin dissertantı olmuş, 2006-cı ildən həm də Azərbaycan Turizm İnstitutunda işləmişdir. 2011-ci ildə dil nəzəriyyəsindən dissertasiya işini müdafiə edərək Filo­logiya üzrə fəlsəfə doktoru elmi adı al­mışdır. 2014-cü ildən Azərbaycan Müəllimlər İnstitu­tunda xarici dillər kafedrasının müdiri işləmişdir. 2016-cı ildən ADPU-nun Xarici dillər kafedrasının baş müəllimi, 2017-ci ildən isə həmin universitetin dosenti kimi pedaqoji fəaliyyətini davam etdirir.

Q.Məmmədova 2 dərs vısaiti, 1 metodik vəsait respubli­ka­daxili 20,  respublikaxarici  2 məqalənin müəllifidir.

Ailəlidir. 3 övladı və 5 nəvəsi var.

Beynəlxalq Sertifikatları:

1. TKT Module 1- band 3 Baku, February, 2019

Sevinc Əziz qızı Sadıxova 1970-ci ildə Ermənistanın Qafan şəhə­rində anadan olub.1978-1988-ci illərdə Qafan şəhər 4 saylı orta məktəbdə təhsil alıb. Orta məktəbi bitirdikdən sonra 1988-1993 illərdə M.F.Axundov adına Azərbaycan Pedaqoji Rus Dili və Ədəbiyyatı İnstitutunda (indiki BSU) rus dili və ədəbiyyatı müəllimi ixtisası üzrə ali təhsil alıb və həmin institutu fərqlənmə diplomu ilə bitirib. 1993-1994-cü illərdə Bakı şəhəri Nəsimi rayon 42 saylı orta məktəbdə, 1994-1999-cu illərdə isə Bakı Elmi-Tədris Mərkəzinin Kompüter-İnformasiya Texnolo­gi­yaları İnstitutunda rus dili və ədəbiyyatı müəllimi vəzifəsində çalışıb, 1999-cu ildən ADPU-nun Rus dili kafedrasına müəllim vəzifəsinə işə qəbul olunub. 2001-ci ildə namizədlik disserta­siya­sını müdafiə etmiş və 2002-ci ildə filologiya elmləri namizədi alimlik dərəcəsini almışdır. 2005-ci ildən baş müəllim, 2012-ci ildən ADPU-nun Rus dili, daha sonra Xarici dillər və onların tədrisi metodikası kafedrasının, hazırda isə Xarici Dillər  Mərkə­zinin  dosentidir.

2019-cu təqvim ili üçün Bakı Slavyan Universitetində bakalavriat səviyyəsi üzrə buraxılış yekun Dövlət Attestasiya Komissiyasının 050103 “Xarici dil müəllimliyi” (Rus dili) ixtisası üzrə sədri təyin edilmişdir. Sevinc Sadıxova 28 məqalə, 7 tezis, 1dərsliyin həmmüəllifi, 1 monoqrafiya, 2 dərs vəsaiti və 1 metodik vəsaitin müəllifidir.

Bilal Ağabala oğlu Həsənli 1953-cü ildə Salyan rayo­nunun Xıdırlı kəndində anadan olub. Orta təhsilini kənd məktəbində bitirib Azərbaycan Pedaqoji İnstitutunun (indiki ADPU) filologiya fakültəsinə daxil olur və  fərqlən­mə diplomu ilə bitirib kənd məktəbində Azər­baycan dili və ədəbiyyat müəllimi kimi əmək fəaliyyətinə başlamışdır. 1977-79-cu illərdə APİ-nin aspiranturasında Ədə­biy­yatın tədrisi metodikası ixtisası üzrə təhsil alıb.

1989-cu ildə “Ədəbiyyatdan sinifdənxaric oxunun proq­ram mate­rialları ilə əla­qələndirilməsi yolları” mövzusunda dissertasiya müda­fiə edərək pedaqogika üzrə fəlsəfə doktoru alimlik dərəcəsinə layiq görülüb.

1990-cı ildən 2016-cı ilədək Azərbaycan Müəllimlər İnstitutunda Azərbaycan ədəbiyyatı və tədrisi metodi­kası kafedrası­nın müəllimi, baş müəllimi, dosenti, kafedra müdiri işləmişdir. 2016/17-ci tədris ilindən Azərbaycan  Dövlət   Peda­qoji   Universiteti    Ədəbiyyatın tədrisi metodi­kası kafedrası­nın  dosentidir.

Ümumtəhsil məktəblərinin 5-ci, 6-cı, 9-cu sinifləri üçün “Ədə­biyyat” dərslikləri, X-XI siniflər üçün  “Ədəbiy­yat müntəxəbatı» dərs vəsaitləri şərikli nəşr olunmuşdur. Hazırda ümumtəhsil məktəblərində tətbiq olunan V-XI siniflər üçün ədəbiyyat fənn kurikulumunun həmmüəllifidir.

Təhsil Nazirliyi ilə  Beynəlxalq Qırmızı Xaç Komitəsinin Bakı nü­mayəndəliyinin əməkdaşlıq müqaviləsinə uyğun olaraq ədəbiy­yat dərslə­rində beynəlxalq humanitar hüquq üzrə biliklərin öyrənil­məsinə həsr olunmuş 5-ci sinif şagirdləri üçün “Hamımız bir günə­şin zərrəsiyik”, 6-cı sinif şagirdləri üçün “Dünya mənim, dünya sə­nin” adlı orijinal dərs vəsaitlərinin və müəllim  üçün  metodik  vəsaitlərin  müəllifidir.

“Azərbaycan məktəblərində beynəlxalq humanitar hüquq üzrə bilik­lərin öyrənilməsi” dərs vəsaiti BQXK tərəfindən nəşr olun­muşdur. Cenevrədə çıxan “Beynəlxalq Qırmızı Xaç və Qırmızı Ay­para” jur­nalında “Dünya sənin, dünya mənim” kitabı haqqında məqalə dərc olun­muşdur. Həmin əsərlər Moskvada çıxan «Kataloq izdaniy. Mej­du­na­rodnıy Komitet Krasnoqo Kresta» kitabına daxil edilmişdir.

A­li və orta məktəblər üçün 40 monoqrafiya, dərslik, dərs vəsa­iti, 8 proqram, respublikamızda və xaricdə nəşr olunmuş 97 jurnal, 60-dək qəzet məqaləsinin müəllifidir. 22 beynəlxalq elmi konfransda, 21 respublika konfransında iştirak  etmişdir.

Ailəlidir, 2 övladı  var.

Təltifləri

• 2003-cü ildə akademik Mehdi Mehdizadə adına mükafata layiq görülmüşdür.
• 2009-cu ildə Azərbaycan Respublikası  Prezidentinin  fərmanı ilə Respub­li­ka­nın  Əməkdar  müəllimi  adına  layiq  görülmüşdür.

Səbinə Hüsaməddin qızı İsgəndərova 4 mart 1983-cü ildə Bakı şəhərində anadan olmuşdur. 1999 cu ildə 300 saylı orta məktəbi fərqlənmə ilə bitirmişdir. Həmin ildə Azərbaycan Dillər Universitetinin Pedaqoji (ingilis fransız dilləri)fakültəsində təhsil almış, universiteti fərqlənmə diplomu ilə bitirmişdir. 2003-2005-ci illərdə Azərbaycan Dillər Universi­tetinin Dilşü­naslıq ingilis dili ixtisası üzrə  Magistratura şöbəsində təhsil almış və magistr səviyyəsini fərqlənmə diplomu ilə bitirmişdir. 2005-2008-ci illərdə Azərbaycan Dillər Universitetinin əyani aspiranturasında təhsilini davam etdirmişdir. 2010-cu ildə dissertasiya müdafiə etmişdir. 2011-ci ildə filologiya üzrə fəlsə­fə doktoru elmi dərə­cəsi almışdır. 2009-2011-ci illərdə Bakı Döv­lət Universitetinin Mexa­nika-Riyaziyyat fakültəsində müəllim kimi işləmışdır. 2011-ci ildən  Azər­baycan Dövlət Peda­qoi Universitetinin Filologiya fakültəsinin İn­gilis dili və onun tədrisi metodikası kafedrasında (indiki Xarici Dillər Mərkəzi) müəllim, baş müəl­lim vəzifəsində işləyir. Respublika daxilində 9 məqalənin müəllifi­dir.

Ailəlidir. 2 övladı var.

Beynəxalq Sertifikatları:

1.İELTS (academic) overall band score 6

2.Teaching Knowledge Test (TKT) Module 1-band 4

3.Teaching Knowledge Test (TKT) Module 2-band 3

Səidə Bəhlul qızı Dadaşova 16 avqust 1977-ci ildə Beyləqan rayo­nunun Şəfəq qəsəbəsində anadan olmuşdur.1994-cü ildə şəhid Hüsaməd­din İsmayılov adına orta məktəbi bitirmişdir.YAP-ın üzvüdür. 2001-ci ildə Azərbaycan Dillər Universitetinin Filologiya fakültəsinin bakalavr dərəcəsini fərqlənmə diplomu ilə bitirmişdir.2003-cü ildə Azərbaycan Dillər Universitetinin Filologiya fakültəsinin magistratura dərəcəsini fərqlənmə diplomu ilə bitirmişdir. 2004-cü ildən ADPU-da müəllim, 2008-ci ildən isə baş müəllim vəzifəsində çalışır. 2016-cı ildən Filo­logiya fakültəsinin Tədris-Metodiki Şurasının üzvüdür. 2019-cu ildən Filologiya fakültəsinin Elmi Şurasının üzvüdür. Filologiya fakültəsinin tələ­bələri üçün yazılmış  “Orta əsrlər fransız ədəbiyyatı”,“Ixtisas ölkə­sinin ədəbiyyatı” (orta əsrlər fransız ədəbiyyatı IX-XV əsrlər) və  “Ölkəşünaslıq” adlı  dərs vəsaitlərinin müəllifidir.

Respublika daxilində 1 monoqrafiyanın, 14 məqalənin, 5 proqra­mın, 1 tezisin, respublika xaricində isə 2 məqalənin müəllifidir.

Yeganə Xaləddin qızı Səfərova 22 sentyabr 1990-cı ildə Bakı şəhərində anadan olmuşdur. 1997-ci ildə Nəsrəddin Tusi adına gimna­ziyada ibtidai təhsil almış, daha sonra təhsilini Heydər Əliyev adına Müasir Təhsil Kompleksində tamam­lamışdır. 2008-ci ildə Azərbaycan Dillər Universitetinin 2 saylı ingilis dili fakültəsinə daxil olmuş və oranı fərqlənmə diplomu ilə bitirmişdir. 2014-cü ildə Azərbaycan Dillər Universitetinin “İngilis dilinin tədrisi metodikası və metodologiyası” üzrə magistraturaya qəbul olmuş və 2016-cı ildə bitirib. Hal-Hazırda Azərbaycan Universitetində fəlsəfə doktoru proqramı üzrə doktorantura təhsili alır. 2017-ci ildən Azərbaycan Dövlət Pedaqoji Universitetinin “İngilis dili” kafedrasında(indiki Xarici Dillər Mərkəzi) pedaqoji fəaliy­yətini davam etdirir. O,“Xarici Dillər Mərkəzi” tədris-metodiki şurasının üzvüdür.Yeganə Səfərovanın Respublikada çıxan nüfuzlu elmi jur­nallarda 4, Respublikadan kənarda isə 3 elmi məqaləsi çap olun­muşdur.

Fakültə Həmkarlar Təşkilatının sədridir.

Yeganə Səfərova “Filoloq” qəzetinin baş redaktorun müavini və  buraxılışa mə­sul şəxsdir. Ailəlidir, 2 övladı var.

Beynəlxalq Sertifikatları:

1.Teaching Knowledge Test (TKT) Module 1-band 3

2.Teaching Knowledge Test (TKT) Module 2-band 3

3.Teaching Knowledge Test (TKT) Module 3-band 3

Aysel Qüdrət qızı Quliyeva 8 iyul 1983-cü ildə Bakı şəhərində anadan olub.1999-cu ildə Bakı şəhəri Nizami rayonu 238 saylı orta məktəbi eksternat yolu ilə bitirib. Elə həmin il Azərbaycan Dillər Universitetinin Filologiya fakültəsinin qəbul olub. 2003-cü ildə həmin fakültəni  bitirib. 2006-ci ildə Azər­­baycan Dillər Universitetinin Dilşü­naslıq (İngilisdili) fakültə­sinin magistr şöbəsini  bitirib. 2010-cu ildən ADPU-nun Filolo­giya fakültəsinin İngilis dili kafedrasının (indiki Xarici Dillər Mərkəzi) müəllimi işləyir. 2018-ci  ildən Filologiya fakültəsinin  Tədris-Metodika Şurasının üzvüdür. Aysel Quliyeva respublika daxilində  9  məqalənin müəllifidir.

Ailəlidir, 2 övladı var.

Beynəlxalq sertifikatlar:

1. IELTS certificate (academic) overall band score 6
2. Teaching Knowledge Test (TKT) Module 1-band 3
3. Teaching Knowledge Test (TKT) Module 2-band 3
4. Teaching Knowledge Test (TKT) Module 3-band 3