Tərcümeyi-hal
Zemfira İsaxan qızı Abbasova 19 may 1975-ci ildə indi Ermənistan adlanan Qərbi Azərbaycanın Kirovakan şəhərində anadan olmuşdur.
1982-ci ildə Kirovakan şəhər, Şaumyan qəsəbəsində orta məktəbin 1-ci sinfinə daxil olmuşdur.1993-cü ildə Bakı şəhəri, Nərimanov rayonu 36 saylı tam orta məktəbi bitirmişdir. Eyni ildə Bakı Dövlət Universitetinə daxil olmuşdur.1998-ci ildə Ərəb dili müəllimi ixtisası üzrə ali təhsilini, 2001-ci ildə isə Azərbaycan Dövlət Pedaqoji Universitetinin Azərbaycan dili və ədəbiyyat ixtisası üzrə təhsilini bitirmişdir. 2009-cu ildən Azərbaycan Dövlət Pedaqoji Universitetinin Azərbaycan dilçiliyi kafedrasında Azərbaycan dili ixtisası üzrə doktoranturaya daxil olmuşdur. 2016-cı ildə “Elçin Əfəndiyevin yaradıcılığında onomastik vahidlərin linqvistik xüsusiyyətləri” mövzusunda AMEA-nın Nəsimi adına dilçilik institutunda dissertasiya müdafəsi keçirilmişdir.2017-ci ildə filologiya üzrə fəlsəfə doktoru elmi adına layiq görülmüşdür. 2001-ci ildən Azərbaycan Dövlət Pedaqoji Universitetinin “Dədə Qorqud” elmi-tədqiqat laboratoriyasının Onomastika-Dialektologiya-Etimologiya bölməsində baş laborant, 2012–ci ildən 2018 –ci ilə dək elmi işçi vəzifəsində çalışmışdır. 2018-ci ildə Azərbaycan dili və onun tədrisi texnologiyası kafedrasında müəllim, 2019-cu ildən ADPU-nun filologiya fakültəsində dekan müavini və eyni zamanda Müasir Azərbaycan dili kafedrasında müəllim vəzifəsində çalışır..
2014-cü ildə Azərbaycan Respublikası Prezidenti yanında Elmin İnkişaf Fondunun 6-cı mobil qrantının qalibi olmuşam. Böyük Britaniyanın Kembric şəhəri, Kembric Universitetində elmi-pedaqoji təcrübə keçmişdir. Kembric Universitetinin Sertifikatına layiq görülmüşdür. Həmçinin Şimali Kipr və Qazaxıstan Respublikasında və respublikamızda keçirilən beynəlxalq konfranslarda çıxışlar etmişdir. Filoloq qəzetinin 2021-ci il, Fevral buraxılışında №2(6) Prezidentin dil haqqında sərəncamından irəli gələn məsələlər adlı elmi məqaləsi nəşr olunmuşdur. 30-a yaxın elmi məqalələri və tezisi var. Beynəlxalq və respublika konfranslarında çıxışlar etmişdir. 2021-ci ildə Azərbaycan Respublikası Təhsil naziri tərəfindən ADPU-nun 100 illik yubileyi münasibətliə“Azərbaycan Respublikası qabaqcıl təhsil işçisi” döş nişanı ilə təltif olunmuşur.