İbrahimova Arzu İsmi qızı 23 sentyabr 1967-ci ildə Ağdaş rayonunda anadan olmuşdur.Orta təhsilini M.İsayev adlna 2 nömrəli tam orta məktəbi “Fərqlənmə” attestatı ilə bitirərək,APRDƏİ-nin (indiki Bakı Slavyan Universiteti) “Rus dili və ədəbiyyatı” fakultəsinə qəbul olunmuş,1991-ci ildə “Fərqlənmə” diplomu ilə bitirmişdir.BSU-nun “Azərbaycan dili və ədəbiyyatı” ixtisası üzrə ikinci ali təhsil almışdır.
МИОО(Moskva Açıq Təhsil İnstitutunda) “Обучение и преподавание русского языка и литературы в условиях билингвальной среды” ixtisasartırma təlim kursunu bitirmişdir.
Xətai rayonu 27 nömrəli tam orta məktəbdə 1993-cü ildən müəllim,2007-ci ildən tərbiyə işləri üzrə direktor müavini işləmişdir.Həmçinin Azərbaycan Təhsil İşçiləri Azad Həmkarlar Təşkilatı Xətai Rayon Komitəsi İdarə heyətinin üzvü olaraq ,Həmkarlar Təşkilatının sədri vəzifəsində də çalışmışdır. 2024-cü il dekabr ayından Azərbaycan Dövlət Pedaqoji Universitetinin Filologiya fakültəsinin sosial məsələlər və tələbələrlə iş üzrə dekan müavini vəzifəsində çalışır.
İşlədiyi müddətdə
Azərbaycan Respublikası Elm və Təhsil Nazirliyi,Müasir Təhsilə və Tədrisə Yardım mərkəzi İB,UNEC birgə layihəsi olan “Məktəb direktorları və direktor müavinləri üçün məktəbin idarə edilməsi üzrə” təlim kursu,Azərbaycan Respublikası Elm və Təhsil Nazirliyi və XXI əsr Beynəlxalq Təhsil və İnnovasiya Mərkəzinin təşkil etdiyi “Ümumi orta təhsil səviyyəsində yeni fənn kurikulumların tətbiqi”, Azərbaycan Respublikası Təhsil Nazirliyi və “Mədəd” təşkilatı tərəfindən təşkil edilmiş İntel “Gələcək üçün Təhsil», Azərbaycan Respublikası Təhsil Nazirliyi və İdrak liseyinin təşkil etdiyi Ümumi orta təhsil səviyyəsində yeni fənn kurikulumların tətbiqi,İKT-nin təhsilə tətbiqi üzrə “Müəllimlərin peşəkarlıq səviyyəsinin təkmilləşdirilməsi”təlim kursu,”Azərbaycan dili və ədəbiyyatı” fənn kurikulumunun tətbiqi ilə əlaqədar “Öyrədənlərin öyrədəni”təlim kursu,Global Career İnstitute və Azərbaycan Kıbrıs Dostluq Cəmiyyətinin birgə layihəsi olan “Milli Qurtuluşdan günümüzə Azərbaycan təhsili” təlim kursu,CIBS -“Perfect Pedaqoq”təlim kursu,”Learning to Learn” Beynəlxalq təlim kursu üzrə “Master classes”, Consulting and Development Center Group layihəsi olan ”Liderlik və İdarəetmə”təlim kurslarından keçmişdir.
İşlədiyi müddətdə ATİAHİ Xətai rayon Komitəsi “Ən yaxşı ilk Həmkarlar İttifaqı Komitəsi”baxış müsabiqəsində fərqləndiyinə görə Fəxri Fərmanla, ATİAHİ Respublika Komitəsinin ittifaq üzvlərinin əmək,sosial-iqtisadi hüquqlarının qorunması və qanuni mənafelərinin qorunması sahəsində əldə etdikləri uğurlara görə Fəxri Fərmanla,ATİAHİ Xətai rayon Komitəsinin əməyin mühafizəsi,təhlükəsizlik texnikası,istehsalat sanitariyasının vəziyyəti ilə əlaqədar keçirilən baxış-müsabiqədə fərqləndiyinə görə Fəxri Fərmanla təltif olunmuş,ATİAHİ Respublika Komitəsinin “Ən yaxşı ilk Həmkarlar İttifaqı Komitəsi” baxış- müsabiqəsinin qalibi olmuşdur.
1993-cü ildən YAP təşkilatının üzvü,2007-ci ildən MSK üzvüdür.35 saylı Xətai Üçüncü seçki dairəsinin 33 saylı məntəqəsinin sədridir.