YAQUB BABAYEV
filologiya elmləri doktoru, professor
Yaqub Məhərrəm oğlu Babayev 1958-ci ildə Gədəbəy rayonunun Dəyəqarabulaq kəndində müəlllim ailəsində anadan olmuşdur. Dəyəqarabulaq kənd səkkizillik məktəbini bitirmiş (1965-1973), Rüstəm Əliyev adına (indi Miskinli adlandırılan bu qədim kəndin tarixi adı Qarabulaqdır) kənd orta məktəbində orta təhsilini tamamlamışdır. 1976-1980-ci illərdə H.Zərdabi adına Kirovabad Dövlət Pedaqoji İnstitutunda (indiki Gəncə Dövlət Pedaqoji Universitetində) ali təhsil almış, həmin institutun Azərbaycan dili və ədəbiyyatı fakültəsini fərqlənmə diplomu ilə bitirmişdir. 1978 və 1979-cu illərdə TEC xətti ilə keçirilən respublika müsabiqəsində I dərəcəli diploma layiq görülmüşdür.
Ali məktəbi bitirdikdən sonra təyinatla İsmayıllı rayonuna göndərilmiş, 1980-1985-ci iillərdə həmin rayonun Qalacıq kənd orta məktəbində və Qələyə kənd qiyabi məktəbində ixtisası üzrə müəllim işləmişdir. 1981-1983-cü illərdə ordu sıralarında xidmət etmişdir.
1985-1988-ci illərdə V.İ.Lenin adına ADPİ-nin (indiki ADPU) Azərbaycan ədəbiyyatı tarixi kafedrasının əyani aspirantı olmuş, “Azərbaycan uşaq nəsrinin inkişafı tarixindən (1905-1920)” mövzusunda namizədlik dissertasiyasını müdafiə edərək 1989-cu ildə filologiya elmlər namizədi elmi dərəcəsini almışdır.
Y.Babayevin əmək fəaliyyəti 1990-cı ildən ADPU ilə bağlıdır. “Folklorşünaslıq” laboratoriyasında kiçik elmi işçi kimi fəaliyyətə başlayan Y.Babayev baş elmi işçi, Azərbaycan ədəbiyyatı tarxı kafedrasında müəllim işləmişdir. 1998-2003-cü illərdə dosent vəzifəsini tutan Yaqub müəllim 2003-cü ildən universitetdə yeni yaradılmış Folklor və qədim ədəbiyyat kafedrasında dosent vəzifəsində çalışmışdır. 2011-ci ildə Y.M.Babayev “Anadilli Azərbaycan şeirinin poetikası (XIII-XIV əsrlər)” mövzusunda doktorluq dissertasiyası üzərində işləmiş və həmin dissertasiyanı müdafiə edərək filologiya elmlər doktoru elmi dərəcəsi almışdır.
2011-2015-ci illərdə Azərbaycan ədəbiyyatı tarixı kafedrasında, 2015-ci ildən etibarən Ədəbiyyat və onun tədrisi metodikası kafedrasında çalışmış, 2017-ci ildə həmin kafedranın professoru vəzifəsinə layiq görülmüşdür.
Alim uzun illər ərzində islam Şərqində və Azərbaycan ədəbiyyatında təriqət ideyalarının elmi cəhətdən öyrənilməsi istiqamətində də faydalı işlər görmüş, sovet dönəmində araşdırılıb xalqa çatdırılması yasaq edilən bu ideyalarla geniş oxucu kütləsini, elmi ictimaiyyəti və tələbələri tanış etmək mənasında uğurlu təşəbbüslər göstərmişdir. Rusiya, İran, Türkiyə, Qazaxıstan, Türkmənistan, Ukrayna kimi ölkələrdə onun klissik ədəbiyyatımızın müxtəlif problemlərinə və şəxsiyyətlərinə həsr olunmuş 15-ə qədər elmi məqaləsi, respublikada 100-dən cox elmi, 40-a yaxın publisistik məqaləsi dərc olunmuşdur.
Azərbaycan Yazıçılar Birliyinin (AYB) üzvüdür. 2019-cu idə Azərbaycan Respublikası Prezidenti yanında Ali Attestasiya Komissiyasının eksperti seçilmişdir.
Hal-hazırda Ədəbiyyatın tədrisi texnologiyası kafedrasının professoru, fakültə Elmi Şurasının üzvüdür.
Ailəlidir, bir oğlu var.
Təltifləri:
1. 1915-1916-cı illərdə AYB xətti ilə Prezident təqaüdünə layiq görülmüşdür.
2. 2019-cu ildə “Qızıl qələm” ədəbi mükafatına layiq görülmüşdür.
3. 2021-ci ildə Azərbaycan Respublikasının Prezidenti İlham Əliyevin Sərəncamına əsasən “Əməkdar müəllim” fəxri adına layiq görülmüşdür.
CƏMİLƏ MƏHƏRRƏMOVA
filologiya üzrə fəlsəfə doktoru, dosent
Cəmilə Oruc qızı Məhərrəmova 1949-cu il iyulun 2-də Tovuz rayonunun Bayramlı kəndində anadan olmuşdur. 1966-cı ildə Qovlar kənd orta məktəbini bitirmiş, Düzqırxlı kənd orta məktəbində laborant vəzifəsində çalışmışdır.
1976-cı ildə V.İ.Lenin adına (indiki ADPU) Azərbaycan Pedaqoji İnstitutunun Dil-ədəbiyyat fakültəsini bitirmiş və 1977-ci ilin iyun ayından həmin institutun tədris hissəsində statistik, sonra inspektor kimi fəaliyyət göstərmişdir. 1982-ci ildə institutun Azərbaycan ədəbiyyatının tədrisi metodikası kafedrasına baş laborant vəzifəsinə keçirilmişdir.
1981-ci ildən “Müasir dövrdə dünya ədəbiyyatının inkişaf qanunauyğunluqları” problemi üzrə “C.Cabbarlı irsinin Azərbaycan ədəbiyyatşünaslığında tədqiqi (30-70)” mövzusu üzərində işləmiş, 1989-cu ildə namizədlik dissertasiyasını müdafiə etmişdir. 1990-cı ildən Ədəbiyyatın tədrisi metodikası kafedrasında müəllim, baş müəllim vəzifələrində çalışmışdır.
40-dan çox elmi-nəzəri və publisistik məqalənin müəllifidir.
“Azərbaycan uşaq ədəbiyyatında ənənə və novatorluq” (1997), “1970-1980-ci illər Azərbaycan uşaq ədəbiyyatı” (1997) adlı metodik vəsaitlərin, 40-dan çox elmi-nəzəri və publisistik məqalələrin müəllifidir. Hazırda Ədəbiyyatın tədrisi texnologiyası kafedrasının dosenti vəzifəsində çalışır.
2012-ci ildə yüksək ixtisaslı kadrların hazırlanması sahəsində səmərəli pedaqoji fəaliyyətinə görə Azərbaycan Respublikası Təhsil Nazirliyinin Fəxri fərmanı ilə təltif edilmişdir.
Ailəlidir, 3 övladı var.
Soltan Hüseynoğlu
pedaqogika üzrə fəlsəfə doktoru, dosent
Soltan Hüseynoğlu Qarabağ mahalında ziyalı ailəsində anadan olmuşdur. Orta məktəbi bitirdikdən sonra Azərbaycan Dövlət Pedaqoji İnstitutunun (indiki ADPU-nun) filologiya fakültəsinə qəbul olmuş, institutu əla qiymətlərlə bitirdikdən sonra təyinatla Saatlı rayonuna müəllim göndərilmiş və orada işləmişdir.
ADPU-nun əyani aspiranturasına qəbul olmuş, Kamçatkada hərbi xidmətini başa vurduqdan sonra təhsilini davam etdirmişdir. Ədəbiyyatın tədrisi metodikası ixtisası üzrə “Bədii əsərlərin müqayisəli öyrədilməsi prosesində şagirdlərin müstəqil işi” adlı namizədlik dissertasiyası müdafiə etmiş, pedaqogika üzrə fəlsəfə doktoru elmi dərəcəsinə layiq görülmüş, az sonra dosent elmi adını almışdır.
1976-cı ildən ADPU-da işləyir. S.Hüseynoğu ali məktəbdə çalışmaqla yanaşı, 32 il Bakı şəhərindəki orta məktəblərdə dərs demişdir. Bu, orta məktəb dərsliklərinin müəllifi kimi uğur qazanmasında əhəmiyyətli rol oynamışdır.
Soltan Hüseynoğlu uzun illərdir Təhsil Nazirliyinin mühüm layihələrində iştirak edir, ədəbiyyat fənni üzrə orta məktəb proqramlarının, pilot məktəbləri üçün proqramların tərtibçilərindəndir. Pilot məktəblərinin V və VI sinifləri üçün şərikli hazırladığı ədəbiyyat dərslikləri tenderdə qalib gəlmiş və istifadəyə verilmişdir.
Ədəbiyyat fənn kurikulumunun hazırlanmasında (2012) və təkmilləşdirilməsində (2024) metodist-alimin böyük zəhməti olmuşdur. Ümumtəhsil məktəblərinin V və VII-XI siniflər üçün kurikulum əsasında hazırlanmış ədəbiyyat dərslikləri və metodik vəsaitlərin müəlliflərindəndir. O, aktual mövzuda elmi-metodik məqalələrin, ali və orta məktəblər üçün proqramların, dərslik və dərs vəsaitlərinin müəllifidir.
Ədəbiyyat fənn kurikulumu üzrə milli məsləhətçi Soltan Hüseynoğlu bu gün proqram və dərsliklərin nəzəriyyəsi və praktikası, ədəbiyyat dərslərində şagirdlərin müstəqil işi, bioqrafik məlumatların və nəzəri anlayışların öyrədilməsi, bədii sənətkarlıq məsələlərinin mənimsədilməsi, ədəbiyyat təlimində ifadəli oxu və nitq inkişafı üzrə işin təşkili, ədəbiyyat tədrisi və incəsənətin digər növləri, şagirdlərdə mütaliəyə maraq tərbiyəsi, təlim metodlarının təkmilləşdirilməsi və yeni təlim texnologiyalarının mahiyyəti, tətbiqi istiqamətlərində filoloji-metodik araşdırmalar aparır.
S. Hüseynoğlu yeni təhsil proqramı (kurikulum) və müasir təlim texnologiyaları ilə bağlı Bakı şəhərində, Abşeronda, eləcə də kənd rayonlarında təşkil edilmiş treninqlərdə təlimçi kimi çalışmşdır.
O, Təhsil Nazirliyin Elmi-metodik şursının üzvü, “Azərbaycan dili və ədəbiyyat tədrisi” jurnalının çöbə redaktoru kimi uzun illər fəaliyyət göstərmişdir.
Soltan Hüseynoğlu ardıcıl eksperiment əsasında “Bədii əsərlərin tədrisində yeni təlim texnologiyalarının tətbiqi üzrə işin nəzəriyyəsi və təcrübəsi” mövzusunda doktorluq dissertasiyasını tamamlamışdır.
Hazırda Ədəbiyyatın tədrisi texnologiyası kafedrasının dosenti vəzifəsində çalışır.
NAZİLƏ ABDULLAZADƏ
pedaqogika üzrə fəlsəfə doktoru, dosent
Ədəbiyyatın tədrisi texnologiyası kafedrasının müdiri
Nazilə Əbdül qızı Abdullazadə 1965-ci il Bakı şəhərində anadan olmuşdur. 1971-ci ildə Pirallahıdakı 168 № orta məktəbin birinci sinfinə getmiş, 1981-ci ildə orta məktəbi bitirdikdən sonra bir il əmək fəaliyyəti ilə məşğul olmuşdur. 1982-ci ildə indiki Bakı Dövlət Universitetinin filologiya fakültəsinə daxil olmuşdur. 1988-ci ildə universiteti bitirib Xəzər rayonu Zirə qəsəbəsi 241 №li orta məktəbdə pedaqoji fəaliyyətə başlamışdır. 1994-cü ildə qəsəbədəki 120 №li məktəbə direktor müavini təyin olunmuşdur.
1997-ci ildə müsabiqə yolu ilə Respublika Pedaqoji kadrların İxtisasının artırılması və Yenidənhazırlanması İnstitutuna “Təhsilin idarə edilməsi” kafedrasına müəllim vəzifəsinə işə qəbul edilmişdir.
1997-ci ildə Azərbaycan dili və ədəbiyyat kafedrasına müəllim keçirilmiş, 2000-ci ildə institut Elmi Şurasının qərarı ilə Azərbaycan dili, ədəbiyyat və onun tədrisi metodikası kafedrasına baş müəllim vəzifəsinə seçilmişdir.
1998-ci ildə ARTPİ-nin “Pedaqogikanın nəzəriyyəsi və tarixi” şöbəsinə dissertanturaya qəbul edilmiş, “Nəsirəddin Tusinin yaradıcılığında təhsil və təlim məsələləri” mövzusunda namizədlik dissertasiyası mövzusunu 2007-ci ildə müdafiə edərək pedaqogika üzrə fəlsəfə doktoru alimlik dərəcəsinə layiq görülmüşdür.
2009-cu ildən AMEA Nizami adına Ədəbiyyat İnstitututnun doktorantı kimi “Əliağa Vahidin poetikası” mövzusunda doktorluq dissertasiyası üzərində işləyir. İlk dəfə olaraq “Əliağa Vahidin qafiyə lüğəti”ni işləyib hazırlamışdır.
2009-2010-cu ildə Azərbaycan Müəllimlər İnstitutunun elmi katibi, 2010-2011-ci ildə elmi işlər üzrə prorektor vəzifəsində çalışmışdır. 2011-ci ildə AAK-nın qərarı ilə Azərbaycan ədəbiyyatı və onun tədrisi metodikası kafedrası üzrə dosent elmi adına layiq görülmüşdür.
2004-cü ildən Azərbaycan Respublikası Təhsil Nazirliyi Milli Kurikulum Layihəsi işçi qrupunun, Qiymətləndirmə və Monitorinq Komissiyasının, Respublika Fənn Olimpiadası Azərbaycan dili və ədəbiyyatı fənni üzrə komissiyanın üzvü olmuşdur.
2014-cü ildən Azərbaycan Respublikası Təhsil nazirliyi Ali məktəblərin Akkreditasiyası və Nostrifikasiyası Komissiyasının eksperti kimi respublikanın ali məktəblərində − ADPU, BDU, Qafqaz Universiteti, ADBTİA, ADNA, NDU, “Naxçıvan” Universitetində akkreditasiya komissiyalarında iştirak etmişdir.
2016-2018-ci illərdə ADPU “Xəbərlər” elmi-metodik jurnalı “Humanitar, ictimai və pedaqoji-psixoloji elmlər” və “Riyaziyyat və təbiət fənləri” seriyalarının məsul katibi olmuşdur.
2019-cu ildən Fakültə Elmi Şurasının üzvüdür. ADPU Apelyasiya Komissiyasının üzvü, İmtahan Qərargahının sədri olmuşdur.
Milan, Ukrayna, Qazaxstan, Türkiyə (Konya, Niğde, Amasya, Rize, Qaziantep, İzmir, Ankara, Bozok, Adıyaman, Kağızman), Qırğızıstan, Gürcüstan, Qüds və Makedoniyada keçiril ən beynəlxalq konfrans və simpoziumların elm və təşkilat komitələrinin üzvü, bölmə rəhbəri olmuş, dəfələrlə məruzəçi kimi çıxış etmişdir.
2019-cu ildə İnternational Academy Journal Web of Scholar (№5 (35) jurnalında müəllim hazırlığı məsələlərinə həsr olunmuş “Modern teacher preporation realities and problems” məqaləsi nəşr olunmuşdur.
Ali və orta məktəblər üçün 6 dərs vəsaiti, 2 metodik vəsait, 16 fənn proqramı, xaricdə nəşr olunmuş 19 tezis, 15 məqalə, respublikada 87 jurnal və konfrans məqaləsinin müəllifidir.
6 fənn proqramının elmi redaktoru, olmuş dərs vəsaitləri və metodik tövsiyələrə rəy vermişdir.
Ailəlidir, 3 övladı - 1 qızı, 2 oğlu, 2 nəvəsi var.
Təltifləri:
1. I dərəcəli diplom - Azərbaycan Respublikası Təhsil Nazirliyi, 2003.
2. Fəxri Fərman – Azərbaycan Respublikası Təhsil Nazirliyi, Bakı şəhər Təhsil İdarəsi, 2007.
3. Fəxri Fərman – Azərbaycan Təhsil İşçiləri Azad Həmkarlarİttifaqı Respublika Komitəsi, 2009. Respublikası Təhsil Nazirliyinin fəxri fərman və mükafatları.
4. Fəxri Fərman - Azərbaycan Respublikası Təhsil Nazirliyi Kollegiyası, 2009.
5. “Tərəqqi” medalı – Azərbaycan Respublikası Prezidenti İlham Əliyevin Sərəncamına əsasən, 2021.
-
ADPU-nun Xalq maarifini idarəetmənin təşkili kafedrasında laborant.
-
ADPU-nun Azərbaycan, rus və xarici ölkələr ədəbiyyatı kafedrasında baş laborant.
-
Özəl Azərbaycan Universitetinin “Dillər” kafedrasında müəllim.
-
Azərbaycan Müəllimlər İnstitutunun Azərbaycan dili və ədəbiyyatın tədrisi kafedrasında müəllim.
-
Həmin kafedrada baş müəllim.
-
Azərbaycan ədəbiyyatı və onun tədrisi metodikası kafedrasında dosent.
-
Azərbaycan Dövlət Pedaqoji Universitetin Ədəbiyyat və onun tədrisi kafedrasında dosent.
Pərixanım Soltan qızı Hüseynova (Pəri Soltanqızı)
Filologiya elmləri namizədi, dosent, təhlilçi, şərhçi, publisist, “Xan qızı Natəvan”, “Qızıl qələm” mükafatları laureatı, Azərbaycan Yazıçılar Birliyinin üzvü
Pərixanım Soltan qızı Hüseynova (Pəri Soltanqızı) Kürdəmir rayonunun Mollakənd kəndində müəllim ailəsində anadan olub. 1979-cu ildə Mollakənd orta məktəbini bitirib Ali təhsilini Azərbaycan Dövlət Universitetinin (indiki Bakı Dövlət Universiteti) filologiya fakültəsində (axşam şöbəsi 1982-1988) alıb. Əmək fəaliyyətinə fəhlə kimi başlayıb. Öncə Bakı 1 saylı Tikiş fabrikində tikişçi-maşinist (1979-1982), sonra müxtəlif illərdə Azərbaycan Kənd Tikinti Nazirliyinin nəzdində fəaliyyət göstərən Kənd Tikinti trestinin mətbəəsində kəsici maşinist, arxiv şöbəsinin müdiri (köçürülmə yolu ilə 1982-1991), Təhsil Nazirliyinin mətbu orqanı olan “Azərbaycan məktəbi” jurnalında şöbə redaktoru, “Təhsil”, “Mozalan” qəzetlərində müxbir, “Azərbaycan müəllimi” qəzetində ədəbi işçi (1991-2010) işləyib. Eyni zamanda “Naxçıvan” “Respublika” qəzetləri ilə əməkdaşlıq edib. Mətbuat və elm sahəsində, ədəbi-publisistik, elmi-pedaqoji uğurlarına, təhsil sahəsində aparılan islahatların təbliğində və s. səmərəli fəaliyyətinə görə Azər KİVİHİ-nin “Xan qızı Natəvan” (2000), “Qızıl Qələm”(2006) mükafatları ilə təltif olunub.
O, mətbuatda “Pəri Soltanqızı”, “Pəri Hüseynova”, “Pəri Nigar”, “Pəri” imzaları ilə tanınmış və dərin nüfuz qazanmışdır. Alim-publisist mətbuatdakı fəaliyyəti ilə bərabər pedaqoji sahədə də çalışıb. Bir sıra orta ümumtəhsil (lisey, gimnaziya, orta məktəb), ali məktəblərdə (BDU-nun Mir Cəlal Paşayev adına Azərbaycan ədəbiyyatı tarixi kafedrasında) saathesabı və əvəzçiliklə müəllim işləyib. Bakı Dövlət Universitetinin Filologiya, Şərqşünaslıq, Jurnalistika, Tarix fakültələrində Azərbaycan ədəbiyyatı tarixi, Ədəbiyyat nəzəriyyəsi, Ədəbiyyatşünaslığın əsasları, Ədəbiyyatın tədrisi metodikası fənlərini tədris edib. Bakı Pedaqoji Kadrların İxtisasartırma və Yenidənhazırlama İnstitutunda mühazirəçi olub (ədəbiyyat üzrə).
Pərixanım Hüseynova BDU-nun Azərbaycan ədəbiyyatı tarixi kafedrasının dissertantı olub. “Yusif Vəzir Çəmənzəminlinin hekayələrində mühit və şəxsiyyət (1907-1920-ci illər)” mövzusunda namizədlik dissertasiyasını (elmi rəhbər mərhum prof.Xalid Əlimirzəyev, opponentlər Əməkdar elm xadimi, mərhum prof. Bəhlul Abdulla, mərhum prof. Tofiq Hüseynoğlu) AMEA-nın Nizami adına Ədəbiyyat İnstitutunda uğurla müdafiə etmiş, filologiya elmləri namizədi alimlik elmi dərəcəsi almışdır (2003). “Pərixanım Hüseynova bu mövzu ilə ədəbiyyat elmi sahəsində sənətkarların yaradıcılıqlarının mühit və şəxsiyyət baxımından tədqiqata çəkilməsində ilk cığırı açdı” (Opponenti, filologiya elmləri doktoru, professor, əməkdar elm xadimi Bəhlul Abdulla).
“Bəxtiyar Vahabzadə yaradıcılığında gerçəkliyin insan, zaman və məkan kontekstində bədii-fəlsəfi təcəssümü mövzusunda doktorluq disseratsiyasını tamamlayıb (məsləhətçi filologiya elmləri doktoru, prof.Ramazan Qafarlı).
Pərixanım Soltan qızı 2010-cu ildən Azərbaycan Dövlət Pedaqoji Universitetində çalışır. Dədə Qorqud elmi-tədqiqat laboratoriyasında böyük elmi işçi vəzifəsini yerinə yetirməklə yanaşı universitetin filologiya, Məktəbəqədər təhsil, İbtidai təhsil, fakültələrində H.Əliyev və ədəbiyyat məsələləri, fəal – interaktiv təlim, nitq mədəniyyəti, uşaq ədəbiyyatı, əcnəbi tələbələrin hazırlıq kursunda Azərbaycan dili və ədəbiyyatı fənlərindən saathesabı mühazirə və seminarlar aparmışdır. 2015-ci ildən etibarən Ədəbiyyatın tədrisi texnologiyası kafedrasında dosent vəzifəsində çalışır, elmi-pedaqoji fəaliyyətini davam etdirir.
Beynəlxalq və yerli elmi konfranslarda elmi məruzələrlə çıxış etmiş və maraqla qarşılanmışdır. O əllidən artıq elmi məqalənin, 2000-dən xeyli artıq elmi-publisist yazıların, ədəb-bədii esselərin, tənqidi, satirik, yumor və felyetonların, bir tərcümənin müəllifidir. Publisist – alim bir kitaba və bir proqrama həmmüəllif olmaqla iki monoqrafiyanın, üç dərs vəsaitinin, iki kitabın (biri tərtib), uşaqlar üçün “Nigar və dostları”, “Ömərin fərasəti” (şeir, nağıl və hekayələr) kitablarının müəllifidir.
O, elmi tədqiqatını üç istiqamətdə aparır: Azərbaycan ədəbiyyatı tarixi, uşaq ədəbiyyatı, Azərbaycan ədəbiyyatında mutikultural dəyərlər və tolerantlıq.
“Y.V.Çəmənzəminlinin hekayələrində mühit və şəxsiyyət (1907-1920)” monoqrafiyası ədəbiyyatşünaslıq elmində orijinal, bitkin bir əsərdir. Bu əsəri ilə müəllif ədəbiyyat elmində sənətkarların yaradıcılığının mühit və şəxsiyyət baxımından araşdırılması istiqamətində yeni bir izin əsasını qoydu. Monoqrafiyada böyük ədib
Y.V.Çəmənzəminlinin yaradıcılığı əsasında XX əsr Azərbaycan ədəbiyyatı da geniş, elmi tədqiq olunur.
“Klassik və müasir ədəbiyyatın aktual məsələləri” dərs vəsaitində klassiklərin və müasir ədiblərin əsərləri ümumtürk ədəbiyyatı kontekstində geniş təhlil edilir. “Azərbaycan ədəbiyyatı tarixi: Azərbaycan – Qazax ədəbi əlaqələri (Abay Kunanbayevin yaradıcılığı əsasında)” dərs vəsaitində Azərbaycan Qazax ədəbi əlaqələri araşdırılır. XII-XIX əsr Azərbaycan ədəbiyyatı ilə Abay yaradıcılığı arasındakı sosial-tipoloji oxşarlıqlar ortaya çıxarılır.
Bəxtiyar Vahabzadənin yaradıcılığında gerçəkliyi insan, zaman və məkan kontekstində araşdırmış, dövrü mətbuatda, beynəlxalq-elmi konfranslarda tezis və elmi məqalələrlə çıxışlar etmişdir. Eyni zamanda Pərixanım Hüseynova magistr pilləsi üçün “Azərbaycan ədəbiyyatı: Multikultural dəyərlər və tolerantlıq (Qədim və orta əsrlər)” (2023) monoqrafiyasında şifahi xalq ədəbiyyatında, qədim və orta əsrlər Azərbaycan ədəbiyyatında multikultural dəyərləri və tolerantlığı tədqiq etmişdir.
Uşaq ədəbiyyatı istiqamətində “Qədim və Orta əsrlər Azərbaycan ədəbiyyatında uşaq mütaliəsi nümunələri” dərs vəsaiti (2021) çap və altıdan artıq, (biri həmmüəllif olmaqla), elmi məqaləsi dərc edilib. Bundan əlavə “XIX əsr uşaq ədəbiyyatı” ikinci dərs vəsaitini (həmmüəlliflə birgə) hazırlayıb. Birinci dərs vəsaiti Qədim və orta əsrləri, ikinci dərs vəsaiti isə XIX əsrin I və II yarısını əhatə edir.
Pərixanım Hüseynova xeyli magistr dissertasiyasının elmi rəhbəri, rəsmi rəyçisi, pedaqoji təcrübə və elmi-tədqiqat təcrübəsinin, xeyli diplom işinin, TEC-in keçirdiyi elmi konfranslarda elmi məruzələrlə çıxış edən bir çox tələbənin elmi rəhbəri olmuşdur. Bu iş indi də onun tərəfindən icra edilir. YAP-ın üzvüdür.
Kitabları:
Yusif Vəzir Çəmənzəminlinin hekayələrində mühit və şəxsiyyət (1907-1920-ci illər) (Monoqrafiya) -Bakı, Çaşıoğlu, 2005, 128 səh.
Məşhurlar Portretlər -Bakı, Çaşıoğlu, 2008. 152 səh.
Klassik və müasir ədəbiyyatın aktual məsələləri (dərs vəsaiti), Bakı, Elm və təhsil, 2015, 224 səh.
Nigar və dostları (nağıl və hekayələr), Bakı, Elm və təhsil nəşriyyatı, 2016, 72 səh.
Azərbaycan ədəbiyyatı Azərbaycan–Qazax ədəbi əlaqələri (Abay Kunanbayevin yaradıcılığı əsasında) Bakı, Elm və təhsil , 2017, 168 səh.
Azərbaycan Mətbuatı tarixi (həmmüəllif), Bakı, “Elm və təhsil”, 2021, 132 səh.
Uşaq ədəbiyyatı. Qədim və orta əsrlər Azərbaycan ədəbiyyatında uşaq mütaliəsi nümunələri (dərs vəsaiti) Bakı, ADPU, 2021, 200 səh.
Azərbaycan ədəbiyyatı: Multikultural dəyərlər və tolerantlıq (Qədim və orta əsrlər) (Monoqrafiya) Bakı, “Müəllim”, 2023, 100 səh.
Azərbaycan və dünya ədəbiyyatının tanınmış tədqiqatçıları (XX-XXI əsr):
I hissə. Bakı, “Müəllim”, 300 səh.
Ömərin fərasəti – şeir və hekayələr Bakı, “Müəllim”, 2023, 36 səh.
TƏNZİLƏ ƏLİYEVA
filologiya üzrə fəlsəfə doktoru, Dosent
Tənzilə Səttar qızı Əliyeva 1954-cü ildə Bakının Bilgəh qəsəbəsində anadan olmuşdur. 1971-ci ildə C.Cabbarlı adına 187 saylı orta məktəbi, 1976-cı ildə ADPU-nun (keçmiş V.İ.Lenin adına APİ) filologiya fakültəsini bitirmişdir.
Əmək fəaliyyətinə 1976-cı ildə ADPU-nun nəzdində təşkil edilmiş orta məktəb direktorlarının ixtisasartırma fakültəsində metodist kimi başlamışdır. 1990-cı ildən Ədəbiyyat və onun tədrisi metodikası kafedrasında baş laborant, 2000-ci ildən həmin kafedrada müəllim, hal-hazırda isə baş müəllim vəzifəsində çalışır.
2009-cu ildə “Teymur Elçin və uşaq ədəbiyyatı” mövzusunda namizədlik dissertasiyasını müdafiə edərək filologiya üzrə fəlsəfə doktoru alimlik dərəcəsi almışdır.
30-dan çox elmi məqalə, 3 fənn proqramının müəllifidir.
Ailəlidir, 1 oğlu, 1 qızı var.
- Xoşbəxt Təyyan qızı Əliyeva 1965-ci ildə Gəncə şəhərində anadan olmuşdur. 1982-ci ildə Gəncə şəhəri 15 nömrəli orta məktəbi bitirmişdir. 1991-ci ildə Bakı Dövlət Universitetinin Kitabxanaşünaslıq və Biblioqrafiya fakültəsini, 2002-ci ildə Azərbaycan Dövlət Pedaqoji Universitetinin “Azərbaycan dili və ədəbiyyatı” ixtisası üzrə yenidənhazırlanma kursunu bitirmişdir.
ÜLKƏR BAXŞIYEVA
Filologiya üzrə fəlsəfə doktoru
Ülkər Elman qızı Baxşiyeva 5 sentyabr 1988-ci ildə Bakı şəhərində ziyalı ailəsində anadan olmuşdur. Baxşiyeva Ülkər Elman qızı 2004-cü ildə Azərbaycan Dövlət Pedaqoji Universitetininin filologiya fakültəsinə daxil olmuşdur. 2008-ci ildə həmin fakültəni fərqlənmə diplomu ilə bitirmişdir. Universitetdə təhsil aldığı müddətdə “Nizami Gəncəvi” adlı təqaüdünə layiq görülmüşdür. 2008-2010-cu illərdə Azərbaycan Dövlət Pedaqoji Universitetininin Azərbaycan ədəbiyyatı ixtisası üzrə əyani magistraturasında təhsil almışdır. Magistraturanı fərqlənmə diplomu ilə bitirmişdir. Universitetdə oxuduğu müddətdə elmi konfranslarda və tədbirlərdə fəal iştirak etmişdir.
2014-cü ildə Azərbaycan Dövlət Pedaqoji Universitetininin Azərbaycan ədəbiyyatı üzrə əyani doktoranturasına daxil olmuşdur. 2017-ci ildə “Mirzə İbrahimov və Azərbaycan ədəbiyyatı məsələləri” mövzusunda dissertasiya işini vaxtından əvvəl tamamlayaraq müdafiəyə təqdim etmişdir. 2017-ci ilin dekabr ayında AAK-ın kollegiya qərarı ilə filologiya üzrə fəlsəfə doktoru elmi dərəcəsi diplomu almışdır. 2018-ci ilin fevral ayında AMEA akad. Z.Bünyadov adına Şərqşünaslıq İnstitutunun Türk filologiyası şöbəsinə elmi işçi vəzifəsinə təyin edilmişdir. Elmi nəticələri nəzərə alınaraq 2019-cu ilin mart ayından böyük elmi işçi vəzifəsinə keçirilmişdir.
AMEA Rəyasət Heyətinin 2018-ci il 10 may tarixində Ümummilli lider Heydər Əliyevin 95 illik yubileyi münasibətilə gənc alimlər üçün elan olunmuş müsabiqənin qalibi olmuşdur. AMEA Rəyasət Heyətinin 2019- cu ildə keçirdiyi “Gənc qadın elmdə” müsabiqəsinin də qalibi olmuşdur. İndiyə qədər 30-dan çox elmi məqaləsi dərc edilmişdir. 10 elmi məqaləsi Türkiyə, Ukrayna, Monqolustan və digər xarici ölkələrdə çap olunmuşdur. Xaricdə keçirilən 10-dan çox Beynəlxalq elmi konfransın iştirakçısı olmuşdur. 2019-cu ildə Krım-tatar ədəbiyyatının görkəmli nümayəndəsi Cengiz Dağcının 100 illiyinə həsr olunmuş kitaba “Cengiz Dağcı şeirlərində vətənpərvərlik mövzusu” adlı məqaləsi daxil edilmişdir. ( “Doğumunun 100.Yılında Cengiz Dağcıya Armağan” kitabı, Türkiyə ,Ankara 2019,səh 403- 408) cu ilin sentyabr ayından ADPU-nun Filologiya fakültəsi Ədəbiyyatın tədrisi texnologiyası kafedrasında müəllim vəzifəsində çalışır. 2019-cu ildə ADPU-da Avropa İttifaqının maliyyə dəstəyi ilə UNİCEF və “Regional İnkişaf” İctimai Birliyi tərəfindən təşkil edilən layihələr çərçivəsində inklüziv təhsil üzrə təlimdə iştirak etmiş və sertifikat qazanmışdır. 2020-ci ildə xaricdə OmniSriptum Publishing Group şirkəti tərəfindən “Mirzə İbrahimov ve klasik Azerbaycan edebiyatı” adlı kitabı nəşr olunmuşdur.Ü.Baxşiyeva 2020-2021-ci illərdə xaricdə və ölkəmizdə keçirilmiş beynəlxalq elmi konfranslarda məruzə ilə çıxış etmiş və məqalələri dərc olunmuşdur. Belə ki , müəllifin “Abay Kunanbayev yaradıcılığında milli dəyərlərə bağlılıq problemləri” adlı məqaləsi ”Müqayisəli ədəbiyyatşünaslıq” beynəlxalq elmi jurnal №2, Bakı ,2020.səh 151-154; “M.İbrahimovun ədəbi-nəzəri görüşlərində Nizaminin tədqiqi məsələləri”adlı məqaləsi Beynəlxalq Elm və Təhsildə İnnovativ Texnologiyalar simpoziumu, Azərbaycan Dövlət Pedaqoji Universiteti,Bakı , 24-25 May 2021; “Türk poeziya ənənələri və Y.İmrə” adlı məqaləsi “21-ci əsrdə Yunus Əmrəni Anlamaq” mövzusunda beynəlxalq simpoziumu, Azərbaycan Milli Elmlər Akademiyası akad.Z.M.Bünyadov adına Şərqşünaslıq İnstitutu, 16 iyul 2021.səh 280-291; “Mirzə İbrahimovun ədəbi-nəzəri görüşlərində Nizaminin tədqiqi məsələləri” adlı məqaləsi “ Nizami Gəncəvi -880 çağırış ili (məqalələr toplusu)” .Bakı ,2021 Səh 318-331 ; “Kazak halkının yeni ideallerinin oluşumunda Abay Kunanbayevin rolü” adlı məqaləsi “İnternational Congress of Kazakh history , culture and language” , Ankara Türkiye , 27-28 December 2021səh63-65 çap olunmuşdur TÜRKSOY-un keçirdiyi beynəlxalq tədbirlərdə fəal iştirakına görə 2021- ci il yanvar ayında TÜRKSOY Genel Sekreteri Düsen Kaseinov tərəfindən Teşekkür belgesi verilmişdir. Ailəlidir , iki övladı var.
Ailəlidir, 2 övladı var.
|
19.İsa Hüseynovun “Teleqram” povesti yeni nəsrin ilk nümunəsi kimi. Совершенствование методики обучения языкам: площадка обмена прогрессивой практикой. Материалы IV международного научно - методического онлайн-семинара. Казан-Нур-Султан-Измир, 20 февраля 2020 г.вг.пенза, 20 fevral 2020,s.521-525. |
Dövlətzadə Məhrux Əfsərağa qızı 9 aprel 1974-cü ildə Biləsuvar rayonunun Xırmandalı kəndində ziyalı ailəsində anadan olmuşdur. 1981-1991-ci ildə Xırmandalı kənd 1 nömrəli tam orta məktəbi bitirmişdir. 1992-ci ildə N.Tusi adına ADPU-nun (Azərbaycan Dövlət Pedaqoji Universiteti) Filologiya fakültəsinin Azərbaycan dili və ədəbiyyatı müəllimliyi ixtisasına qəbul olmuş, 1997-ci ildə bitirmişdir.
1993-cü ildə Biləsuvar rayonu Xırmandalı kənd 1 nömrəli tam orta məktəbində ixtisası üzrə müəllim kimi pedaqoji fəaliyyətə başlamışdır. 2005-ci ilə qədər orada çalışmış, 2006-2011-ci illərdə Bakı şəhəri Nərimanov rayonu 73 nömrəli tam orta məktəbdə ixtisası üzrə müəllim olaraq fəaliyyət göstərmiş, 2011-2019- cu illərdə Sabunçu rayonu 113 nömrəli tam orta məktəbdə ixtisası üzrə müəllim olaraq çalışmışdır. 2019-cu ildən Abşeron rayon Məmmədli kənd tam orta məktəbində ixtisası üzrə müəllim və təlim-tərbiyə işləri üzrə direktor müavini vəzifəsində əmək fəaliyyətini davam etdirmişdir.
2021-2022-ci tədris ilindən ADPU-nun Filologiya fakültəsində Azərbaycan dilçiliyi kafedrasının müəllimi, 2023-2024-cü tədris ilindən Ədəbiyyatın tədrisi texnologiyası kfedrasının müəllimi kimi fəliyyətini davam etdirir.
Azərbaycan ədəbiyyatı - 5716.01. ixtisası üzrə “Azərbaycan maarifçi-realist nəsrində (1890-1920-ci illər) İslama münasibətin tipologiyası” mövzusunda yazdığı dissertasiya işi müdafiə ərəfəsindədir. Türkiyədə, Ukraynada, Azərbaycanda keçirilən beynəlxalq konfranslarda elmi məqlələrlə çıxış etmiş, beynəlxalq elmi jurnallarda məqalələri çap olunmuşdur. 20 elmi, 6 publisistik məqalənin müəllifidir.
Dərsliklər və dərs vəsaitləri
- İFADƏLİ OXU Bilal Həsənli Nazilə Abdullazadə
- ƏDƏBİYYATIN TƏDRİSİ METODİKASI FƏXRƏDDİN YUSİFOV
- ƏDƏBİYYATIN TƏDRİSİ METODİKASI BİLAL HƏSƏNLİ
- İFADƏLİ OXUNUN ƏSASLARI SOLTAN HÜSEYNOĞLU
- ƏDƏBİYYATIN TƏDRİSİ METODİKASI SOLTAN HÜSEYNOĞLU
- LABORATORİYA MƏŞĞƏLƏRİ
- AZƏRBAYCAN UŞAQ ƏDƏBİYYATI: TEYMUR ELÇİN
- UŞAQ ƏDƏBİYYATININ İNTERAKTİV TƏLİM METODLARI İLƏ TƏDRİSİ
- UŞAQ ƏDƏBİYYATININ TƏDRİSİ PROBLEMLƏRİ (metodik vəsait)
- AZƏRBAYCAN UŞAQ ƏDƏBİYYATI İbtidai sinif müəllimliyi ixtisası üçün DƏRS VƏSAİTİ
- Uşaq ədəbiyyatı: Azərbaycan uşaq ədəbiyyatı antologiyası
Proqramlar
- BƏDİİ MƏTNİN İNTERPRETASİYASI fənn proqramı
- ƏDƏBİYYATDAN PRAKTİKUM fənn proqramı
- ƏDƏBİYYATIN TƏDRİSİ METODİKASININ MÜASİR PROBLEMLƏRİ fənninin PROQRAMI
- ƏDƏBİYYATIN TƏDRİSİ METODİKASININ TARİXİ VƏ METODOLOGİYASI fənninin
PROQRAMI - ƏDƏBİYYATIN TƏDRİSİ METODİKASI fənn proqramı
- İFADƏLƏRİ OXU fənn proqramı
- KLASSİK ƏDƏBİYYATIN TƏDRİSİNDƏ MÜASİR YANAŞMALAR
- AZƏRBAYCAN ƏDƏBİYYATININ TƏDRİSİ METODİKASI
- AZƏRBAYCAN ƏDƏBİYYATININ TƏDRİSİ TARİXİ FƏNNİ ÜZRƏ PROQRAM
- UŞAQ ƏDƏBİYYATI FƏNNİ ÜZRƏ PROQRAM
- UŞAQ ƏDƏBİYYATI FƏNNİ ÜZRƏ PROQRAM
ƏDƏBİYYATIN TƏDRİSİ TEXNOLOGİYASI KAFEDRASI
Ədəbiyyatın tədrisi texnologiyası kafedrası 1972-cü ildə Ədəbiyyat və onun tədrisi metodikası adı altında yaranmışdır. Kafedranın yaradıcısı və ilk müdiri folklorşünas alim prof. Fərhad Fərhadov olmuşdur. Yarandığı gündən kafedrada iki fənn tədris olunmuşdur:
- Ədəbiyyatın tədrisi metodikası
- Uşaq ədəbiyyatı
Ədəbiyyatın tədrisi metodikası fənni universitetin təşkilinin ilk illərindən tədris olunur. Bu fənni prof. Mikayıl Rəfli, akademik Feyzulla Qasımzadə tədris etmişlər.
!994-1998-ci illərdə Ədəbiyyatın tədrisi metodikası və Uşaq ədəbiyyatı adlı iki müstəqil kafedra fəəaliyyət göstərmişdir. Ədəbiyyatın tədrisi metodikası kafedrasına prof. Aydın Hacıyev, Uşaq ədəbiyyatı kafedrasına isə prof. Zahid Xəlilov rəhbərlik etmişdir. 1998-ci ildə hər iki kafedra Ədəbiyyat və onun tədrisi metodikası adı altında birləşdirilmişdir.
2005-2018-ci illərdə kafedraya filologiya elmləri doktoru, professor Zahid Abdulla oğlu Xəlilov rəhbərlik edib. 2019-cu ildən isə pedaqogika üzrə fəlsəfə doktoru, dosent Nazilə Abdullazadə rəhbərlik edir.
2019-cu ildə kafedranın adı dəyişdirilərək Ədəbiyyatın tədrisi texnologiyası adlandırılmışdır.
Kafedra haqqında statistik göstəricilər (2022)
- 19 nəfər professor-müəllim heyəti:
- 1 nəfər professor
- 11 nəfər dosent
- 2 nəfər baş müəllim
- 5 nəfər müəllim
- 1 nəfər lobarant
2019-cu ildə kafedranın adı dəyişdirilərək Ədəbiyyatın tədrisi texnologiyası adlandırılmışdır. Kafedrada təhsilin bakalavriat səviyyəsi üzrə 5, magistratura səviyyəsi üzrə 8 fənn tədris olunur. Tədris olunan bütün fənlər üzrə fənn proqramları hazırlanmış və nəşr edilmişdir.
Bakalavr səviyyəsi üzrə:
- Azərbaycan dili və ədəbiyyatı müəllimliyi ixtisası üzrə:
- Bədii mətnin interpretasiyası
- Ədəbiyyatın tədrisi metodikası
- Ədəbiyyatdan praktikum
- İfadəli oxu
- İbtidadi sinif müəllimliyi ixtisası üzrə:
- Uşaq ədəbiyyatı
- Məktəbəqədər təlim və tərbiyə ixtisası üzrə:
- Uşaq ədəbiyyatı
Magistratura səviyyəsi üzrə:
Azərbaycan dili və ədəbiyyatın tədrisi metodikası və metodologiyası ixtisası üzrə:
- Azərbaycan ədəbiyyatının tədrisi metodikası
- Azərbaycan ədəbiyyatının tədrisi və multikultural dəyərlər
- Ədəbiyyatın tədrisi metodikası
- Ədəbiyyatın tədrisi metodikasının müasir problemləri
- Ədəbiyyatın tədrisi metodikasının tarixi və metodologiyası
- Elmi tədqiqat işlərinin metodu və metodologiyası
- Klassik ədəbiyyatın tədrisində müasir yanaşmalar
Kafedrada ali təhsilin bakalavriat, magistratura və doktorantura üzrə kadr hazırlığı həyata keçirilir. Təhsilin bakalavriat səviyyəsi üzrə Azərbaycan dili və ədəbiyyatı müəllimliyi, magistratura səviyyəsi üzrə Azərbaycan dili və ədəbiyyatının tədrisi metodikası və metodologiyası ixtisaslaşması üzrə, doktorantura səviyyəsi üzrə isə ədəbiyyatın tədrisi metodikası ixtisası üzrə pedaqoji və elmi-pedaqoji kadrlar hazırlanır.
Kafedrada müntəzəm olaraq elmi seminarlar (rəhbəri dos. Soltan Hüseynoğlu) təşkil olunur, açıq dərslər (rəhbəri dos. Bilal Həsənli) müzakirə edilir.
Kafedrada elmi-tədqiqat işləri iki istiqamətdə aparılır:
- Azərbaycan ədəbiyyatının tədrisinin aktual problemləri;
- Uşaq ədəbiyyatın inkişaf istiqamətləri.
Kafedra Bakı Dövlət Universiteti, Bakı Slavyan Universiteti, Sumqayıt Dövlət Universiteti, Təhsil İnstitutu, ADPU-nun filiallarının müvafiq kafedraları ilə əməkdaşlıq edir. Aparılan elmi-tədqiqat işlərinin nəticələri respublikada və xarici ölkələrin nüfuzlu jurnallarında çap olunur. Kafedra əməkdaşlarından prof. Zahid Xəlil, prof. Yaqub Babayev, dos. Nazilə Abdullazadə, dos. Bilal Həsənli, dos. Soltan Hüseynoğlu xarici mətbuatda müxtəlif mövzularda məqalələrlə çıxış edir, beynəlxalq konfranslarda məruzələr edirlər. 2020-ci ildə prof. Zahid Xəlilin Türkiyədə “Uşaq ədəbiyyatı” kitabı işıq üzü görmüşdür.
Kafedra fəaliyyət göstərdiyi illər ərzində xeyli inkişaf etmiş, elmi-pedaqoji səviyyəsi yüksəlmiş, kadr təminatı güclənmişdir. Bu illər ərzində kafedra əməkdaşlarından dos. Yaqub Babayev “Ana dilli Azərbaycan ədəbiyyatının poetikası (XIII-XIV əsrlər)” (2012) mövzusunda doktorluq dissertasiyası müdafiə etmiş, professor elmi adı (2019) almışdır. Ülkər Baxşıyeva “Mirzə İbrahimov və Azərbaycan ədəbiyyatı məsələləri” (2017), Qəmər Alxanova “Türkiyə ədəbiyyatında psixoloji roman” (2018) mövzusunda dissertasiya müdafiə edərək filologiya üzrə fəlsəfə doktoru elmi dərəcəsi almışlar. Kafedrada Azərbaycan dili və ədəbiyyatının tədrisi metodikası və metodologiyası ixtisaslaşması üzrə 360 nəfərdən çox magistr hazırlanmışdır. Hal-hazırda kafedranın 29 nəfər magistrantı vardır.
Son illərdə dos. Nazilə Abdullazadənin “İfadəli oxu” (2015), “Azərbaycan ədəbiyyatının tədrisi tarixi” (2021), “Nizami Gəncəvi – 880” (2021), “İfadəli oxu. Laboratoriya məşğələləri” (həmmüəllif dos. Soltan Hüseynoğlu), “Şuşa – zəfərin təntənəsi” (həmmüəllif fil.ü.f.d. Könül Həsənova) (2022), prof. Zahid Xəlilovun “Azərbaycan uşaq ədəbiyyatı” (2018), prof. Yaqub Babayevin “Miskin Vəli. Şeirlər, dastanlar” (2016), “Azərbaycan ədəbiyyatı tarixi. XIII-XVIII əsrlər” (2018), dos. Bilal Həsənlinin “Azərbaycan uşaq ədəbiyyatı” (2015), dos. Soltan Hüseynoğlunun “İfadəli oxunun əsasları” (2019), “Ədəbiyyatın metodikası. Laboratoriya məşğələləri” (2019), “Ədəbiyyatın məktəbdə öyrədilməsi” (2019), dos. Fəxrəddin Yusifovun “Ədəbiyyatın tədrisi metodikası” (2017), “Fənlərarası əlaqənin problemləri” (2019), dos. Şəlalə Mahmudovanın “Uşaq ədəbiyyatının tədrisinin problemləri” (2018), “Uşaq ədəbiyyatının tədrisinin problemləri” (2018), dos. Şöhrət Məmmədovanın “Zahid Xəlilin uşaq poeziyasının bədii xüsusiyyətləri (2017), “Azərbaycan uşaq ədəbiyyatı antologiyası” (2018), dos. Pərixanım Hüseynovanın “Nigar və dostları”, (2016, təkrar nəşr 2021), “Qədim və orta əsrlər Azərbaycan ədəbiyyatında uşaq mütaliəsi nümunələri” (2021), “Azərbaycan mətbuat tarixi” (həmmüəllif prof. Zahid Xəlilov) (2021), dos. Əhmədova Aygünün “XX əsr müasir Azərbaycan ədəbiyyatında uşaq oxusu nümunələri” (2022), dos. Tənzilə Əliyevanın “Azərbaycan uşaq ədəbiyyatı. Teymur Elçin (2017), fil.ü.f.d. Xoşbəxt Əliyevanın “Dədə Qorqud obraz və süjetləri bədii ədəbiyyatda” (2018), fil.ü.f.d. Ülkər Baxşiyevanın “Mirzə İbrahimov və Azərbaycan ədəbiyyatı” (2020) adlı monoqrafiya, dəsrlik, dərs vəsaiti və metodik vəsaitləri nəşr olunmuşdur.
Dos. Soltan Hüseynoğlu və dos. Bilal Həsənli 2010-2021-ci illərdə orta ümumtəhsil məktəblərinin V-XI sinifləri üçün “Ədəbiyyat” dəsrliklərinin və müəllimlər üçün metodik vəsaitlərin müəllifləri olmuşlar.
Son 10 ildə kafedra əməkdaşları 115 beynəlxalq, 76 respublika səviyyəli elmi-praktikm konfranslarda çıxış etmiş, 5 monoqrafiya, 9 dərs vəsaiti, 23 metodik vəsait, 19 fənn proqramı və 374 məqalə nəşr etdirmişlər.