Error
ADPU-nun Beynəlxalq əlaqələr üzrə prorektoru professor Mahirə Hüseynova və Filologiya fakültəsinin dekanı dosent Könül Həsənova Azərbaycan Dövlət Aqrar Universitetinin və Yeni Azərbaycan Partiyası Gəncə şəhər təşkilatının təşkilatçılığı ilə “Qərbi Azərbaycana qayıdış” layihəsi çərçivəsində dəyirmi masada iştirak etmişlər.
Tədbirdə ADAU-nun rektoru Zəfər Qurbanov, Milli Məclisinin deputatları Məlahət İbrahimqızı, Pərvin Kərimzadə, ADPU-nun Beynəlxalq əlaqələr üzrə prorektoru professor Mahirə Hüseynova, Filologiya fakültəsinin dekanı dosent Könül Həsənova, Müasir Azərbaycan dili kafedrasının müdiri dosent Könül Səmədova, Elmi işlər üzrə dekan müavini Gülər Süleymanova, YAP Gəncə şəhər təşkilatının sədri Bayram Aslanov, professor-müəllim heyəti və fəal gənclər iştirak etmişlər.
Dəyirmi masada çıxış edən professor Mahirə Hüseynova Qərbi Azərbaycanın tarixi-mədəni irsinin qorunması və gələcək nəsillərə ötürülməsinin əsas vəzifələrimizdən biri olduğunu qeyd etmiş, müəllifi olduğu “Qərbi Azərbaycan paleotoponimlərinin linqvistik-etimoloji təhlili” və “XX əsrdə Dərələyəzdə Urbisid və Etnosid aktları” adlı kitablarını tədbir iştirakçılarına təqdim etmişdir.
Daha sonra tədbir iştirakçıları Yeni Azərbaycan Partiyası Gəncə Şəhər təşkilatının binasında “İrəvan” Xalq Çalğı Alətləri ansamblının konsertində iştirak etmişlər.