Error
ADPU-nun Beynəlxalq əlaqələr üzrə prorektoru professor Mahirə Hüseynova Azərbaycan Yazıçılar Birliyində 8 Mart - Beynəlxalq Qadınlar Gününə özəl hazırlanmış “Qadın yazarların söz dünyasından” adlı antologiyanın təqdimatında iştirak etmişdir.
Azərbaycan Yazıçılar Birliyinin Yazıçı Qadınlar Şurasının sədri Gülxani Pənah və Azərbaycan Yazıçılar Birliyinin Yazıçı Qadınlar Şurasının sədr müavini Salatın Əhmədlinin tərtib etdiyi antologiyada qadın qələminin, qadın bədii təfəkkürünün məhsulu olan əsərlərdən nümunələr daxil edilmiş, hər bir müəllifin tərcümeyi-halı haqqında qısa məlumat verilmişdir.
Professor Mahirə Hüseynovanın “Onun daş nağılı”, “Şəhid nəğməsi”, “Sənsən”, “Al bayrağım” və “Sən olaydın” şeirləri antologiyada öz əksini tapmışdır.
Təqdimatda professor Mahirə Hüseynova Azərbaycan ədəbiyyatının inkişafında uğurlu fəaliyyətinə görə Azərbaycan Yazıçılar Birliyi tərəfindən fəxri diplomla təltif olunmuşdur.