ADPU-nun Filologiya fakültəsinin Elmi Şurasının 2025-ci il üzrə ilk iclası keçirilmişdir.

Sədr, fakültə dekanı dosent Könül Həsənova 2024/2025-ci tədris ilinin yaz semestrində qarşıda duran vəzifələri şura üzvlərinin nəzərinə çatdırmışdır.

Dekan müavini Zemfira Abbasova 2024/2025-ci tədris ilinin qış sessiyası imtahanlarının nəticələri barədə məlumat vermişdir.

İclasda ADPU Həmkarlar İttifaqı Komitəsi və fakültə dekanı dosent Könül Həsənova Müasir Azərbaycan dili kafedrasının professoru Mirvari İsmayılova, Azərbaycan dili və onun tədrisi texnologiyası kafedrasının dosenti Mələk Məmmədova və Ədəbiyyatın tədrisi texnologiyası kafedrasının baş müəllimi Xoşbəxt Əliyevanı yubileyləri münasibətilə təbrik etmişlər.

ADPU-nun Həmkarlar İttifaqı Komitəsinin baş məsləhətçisi Nigar Rəhimova yubilyarlara universitetin ictimai həyatında fəal iştirakına görə təşəkkür etmiş, onlara uzunmüddətli elmi-pedaqoji sahədəki səmərəli fəaliyyətləri və yubileyləri münasibəti ilə ADPU Həmkarlar İttifaqı Komitəsinin fəxri fərmanını təqdim etmişdir.

İclas cari məsələlərin müzakirəsi ilə davam etmişdir.


© 2025Filologiya.az. Bütün Hüquqlar qorunur