Beynəlxalq Muğam Mərkəzində Qərbi Azərbaycan İcmasının təşkilatçılığı ilə ADPU-nun Beynəlxalq əlaqələr üzrə prorektoru professor Mahirə Nağıqızının (Hüseynova) yaradıcılığına həsr edilmiş poeziya gecəsi keçirilmişdir.
Tədbir professor Mahirə Nağıqızının həyat və fəaliyyətini əks etdirən videoçarxla açıq elan olunmuşdur.
Qərbi Azərbaycan İcmasının Qadınlar Şurasının sədri, Milli Məclisin deputatı Məlahət İbrahimqızı, Azərbaycan Milli Elmlər Akademiyasının prezidenti, akademik İsa Həbibbəyli, ADPU-nun rektoru, professor Cəfər Cəfərov, Azərbaycan Atatürk Mərkəzinin direktoru, akademik Nizami Cəfərov, Milli Məclisin deputatı Hikmət Babaoğlu çıxış edərək professor Mahirə Nağıqızının yaradıcılığı haqqında fikirlərini bölüşmüşlər.
Respublikanın tanınmış mədəniyyət nümayəndələri tərəfindən Mahirə Nağıqızının müəllifi olduğu şeirlər, nəğmələr səsləndirilmişdir.
Sonda çıxış edən professor Mahirə Nağıqızı təşkil olunmuş gecəni öz yaradıcılığının hesabatı kimi dəyərləndirmiş, elmi fəaliyyətinə göstərilən diqqətə görə minnətdarlığını bildirmişdir.

© 2024Filologiya.az. Bütün Hüquqlar qorunur