Error
Filologiya fakültəsinin I tədris ili tələbələri ilə görüş keçirilmişdir.
Filologiya fakültəsinin dekanı dos. Könül Həsənova və ADPU-nun ictimai təşkilatlarının sədrləri yeni qəbul olmuş tələbələrlə görüş keçirmişlər.
Fakültənin dekanı dos. Könül Həsənova tələbələri təbrik etmiş, Azərbaycan Dövlət Pedaqoji Universitetinin pedaqoji hazırlığın mərkəzi hesab olunduğunu, fakültənin bir sıra nizam-intizam qaydalarını görüş iştirakçılarının nəzərinə çatdırmışdır.
Aysu Qasımova 635,2 balla “Azərbaycan dili və ədəbiyyatı müəllimliyi”, Nərmin Məmmədova 601,6 balla ingilis dili üzrə “Xarici dil müəllimliyi” ixtisasını seçmişlər. Fakültə dekanı hər iki tələbəni maddi mükafat və təşəkkürnamə ilə təltif etmişdir.
Filologiya fakültəsinin nəzdində fəaliyyət göstərən "Meh" ədəbi dərnəyinin rəhbəri Aytac Muradlı professor Mahirə Nağıqızının "Şəhidlər" şeirini səsləndirmiş, dərnəyin fəaliyyətini əks etdirən videoçarx tələbələrə təqdim olunmuşdur.
Daha sonra universitetdə fəaliyyət göstərən YUNESKO klubu, Tələbə Gənclər Təşkilatı, Tələbə Həmkarlar İttifaqı Komitəsi, Təhsil Könüllüləri Tələbə Birliyi, Yeni Klub tələbə təşkilatları fəaliyyətlərinin istiqamətlərindən yeni tələbələrə bəhs etmişlər, onları təşkilatların üzvü olmağa dəvət etmişlər.