ADPU-nun Filologiya fakültəsinin professorları “Qərbi Azərbaycana qayıdış” olimpiadasının rayon (şəhər) mərhələsini izləmək üçün təşkil olunan mediaturda iştirak ediblər 27.04.2024-cü il tarixində keçirilən olimpiadanın rayon (şəhər) mərhələsini izləmək üçün Bakı şəhəri Mikayıl Müşfiq adına 18 nömrəli tam orta məktəbə mediatur təşkil olunmuş, Elm və Təhsil Nazirliyi, Təhsil İnstitutunun rəsmiləri, millət vəkilləri, Qərbi Azərbaycan İcmasının üzvləri və media nümayəndələri iştirak etmişlər. Həmçinin mediaturda ADPU-nun Beynəlxalq əlaqələr üzrə prorektoru prof. Mahirə Hüseynova və Elmi-təşkilati şöbənin müdiri prof. İbrahim Bayramov da iştirak etmişlər. İlkin mərhələsində 10000-ə yaxın şagirdin iştirak etdiyi olimpiada Elm və Təhsil Nazirliyi, Naxçıvan Muxtar Respublikasının Təhsil Nazirliyi, Təhsil İnstitutu, Qərbi Azərbaycan İcması və Naxçıvan Dövlət Universitetinin tərəfdaşlığı ilə həyata keçirilir. Qeyd edək ki, prof. Mahirə Hüseynova yeni təhsil proqramlarında Qərbi Azərbaycanın tarixi, coğrafiyası, ədəbiyyatı, folkloru, adət-ənənələrinin öz əksini tapmasını, daha sonra onların orta məktəb dərsliklərinə salınmasını təklif etmişdir.

© 2025Filologiya.az. Bütün Hüquqlar qorunur