Azərbaycan Respublikası Prezidentinin 22.09.2022-ci il tarixli sərəncamı ilə 2023-cü il “Heydər Əliyev ili” elan edilmişdir.

Həmin sərəncamın həyata keçirilməsi istiqamətində bütün respublikada və xarici ölkələrdə silsilə tədbirlər, elmi seminarlar, konfranslar keçirilməkdədir. “Heydər Əliyev ili” ilə əlaqədar ADPU-da da silsilə tədbirlər keçirilməkdədir.

12.05.2023-cü il tarixində Azərbaycan dilçiliyi kafedrasının “Heydər Əliyev-100” adlı elmi-seminarı da həmin sərəncamın həyata keçirilməsi istiqamətində bir addım oldu.

Tədbiri giriş sözü ilə ADPU-nun Beynəlxalq əlaqələr üzrə prorektoru prof. Mahirə Hüseynova açdı. Heydər Əliyevin çoxşaxəli fəaliyyətindən maraqlı məqamlara, Ulu Öndərin nitq, dil, təhsil və s. ilə bağlı fikirlərinə münasibət bildirdi, tələbələrə Heydər Əliyev irsinin öyrənilməsinin vacibliyini vurğuladı.

Prof.H.Hüseynova “Heydər Əliyev və Azərbaycan təhsili”, dos.S.Sadıqova “Heydər Əliyevin Azərbaycan dilinə qayğısı”, b\m T.Nağıyeva “Heydər Əliyevin siyasi nitqində poetizm” mövzusunda məruzələri maraqla dinlənildi.

Sonda prof. M.Hüseynovaya söz verildi. Mahirə xanım elmi seminarı yüksək qiymətləndirdi və Ulu Öndərə həsr edilmiş tədbirlərin davamlı olmasını məsləhət görərək, tələbələrin bu işlərə cəlb edilməsini tövsiyə etdi.

© 2025Filologiya.az. Bütün Hüquqlar qorunur