ADPU-nun Filologiya fakültəsində yaz imtahan sessiyası ilə bağlı görüş keçirilib

 

 

23.05.2022-ci il tarixdə Azərbaycan Dövlət Pedaqoji Universitetinin (ADPU-nun) Filologiya fakültəsinin dekanı vəzifəsini icra edən professor Mahirə Nağı qızı Hüseynova 2021//2022-ci tədris ili yaz imtahan sessiyası öncəsi fakültə əməkdaşları ilə görüş keçirib.

Görüşdə Elmi işlər üzrə dekan müavini Könül Həsənova, fakültənin Müasir Azərbaycan dili, Azərbaycan dilçiliyi və Ədəbiyyatın tədrisi texnologiyası kafedralarının əməkdaşları iştirak ediblər.
Filologiya fakültənin Elmi işlər üzrə dekan müavini Könül Həsənova məlumat verərək bildirib ki, yaz imtahan sessiyasına hazırlıq işləri artıq yükunlaşıb və fakültə imtahan prosesinə hazır vəziyyətdədir.

Görüş zamanı professor Mahirə Nağı qızı Hüseynova fakültədə imtahanların təşkili və keçirilməsi ilə bağlı tapşırıq və tövsiyələrini professor-müəllim heyətinin nəzərinə çatdırıb. ADPU-da imtahanların şifahi üsulla keçirilməsini Filologiya fakültəsinin uğuru hesab edən professor Mahirə Hüseynova fakültənin bu ilki tədris ilində də yaz imtahanı sessiyasının şəffaf şəkildə keçiriləcəyinə, müəllim və tələbələrin bu il də imtahanlardan razı qalacaqlarına əminliyini nəzərə çatdırıb.

Sonra kafedra müdirləri dosent Nazilə Abdullazadə, dosent Könül Səmədova və dosent İradə Kərimova imtahanların keçirilməsi ilə bağlı kafedralarda görülən işlərin hesabatını veriblər.

Görüşün sonunda fakültə əməkdaşları professor Mirvari İsmayılova, dosent Soltan Hüseynoğlu, dosent Bilal Həsənli, dosent Fəxrəddin Yusifov fakültədə yaratdığı gözəl əməkdaşlıq abu-havasına, işgüzar elmi mühitə, professor-müəllim heyəti və tələbələr üçün yaradılan filoloji şəraitə görə professor Mahirə Nağı qızı Hüseynovaya təşəkkürlərini bildiriblər.