Error
Yüksək balla ADPU-nu seçmiş və müsabiqədənkənar qaydada universitetə qəbul olunmuş tələbələrlə görüş keçirilmişdir.
600-dən yüksək balla ADPU-nu seçmiş, həmçinin idman sahəsindəki uğurlarına görə müsabiqədənkənar qaydada universitetə qəbul olunmuş tələbələrlə görüş keçirilmişdir. Görüşdə universitet rəhbərliyi, Filologiya fakültəsinin dekanı dos. Könül Həsənova, İncəsənət və fiziki tərbiyə fakültəsinin dekanı sos.ü.f.d Anar Fərmayılov, tələbələr və onların valideynləri iştirak etmişlər.
Rektor prof. Cəfər Cəfərov tələbələri və onların valideynlərini birinci tədris ili münasibətilə təbrik etmiş, müsabiqədənkənar qaydada universitetə qəbul olunmuş tələbələrin idman sahəsindəki uğurlarını səsləndirmiş, onların təhsil sahəsində uğurlarının davamlı olacağına inandığını bildirmişdir.
Aysu Qasımova 635,2 balla, Nərmin Məmmədova 601,6 balla Filologiya fakültəsinin “Azərbaycan dili və ədəbiyyatı müəllimliyi” və “Xarici dil müəllimliyi” ixtisasını seçmişlər.
Daha sonra rektor prof. Cəfər Cəfərov Pedaqoji Universitet adından 600-dən yüksək bal toplayan tələbələrin hər birinə qəbul imtahanlarında topladıqları bal miqdarında, müsabiqədənkənar qaydada qəbul olunmuş tələbələrə isə müəyyən olunmuş məbləğdə maddi mükafat, universitetin xatirə hədiyyələri verilmişdir.